Auglýsing um skipulagsmál í Skeiða-og Gnúpverjahrepp

Miðvikudagur, 9. March 2022
Teikning og skipulag

Samkvæmt 30. gr. skipulagslaga nr. 123/2010 eru hér kynntar tillögur aðalskipulagsbreytinga og skipulagslýsinga eftirfarandi skipulagsáætlana:

Miðhús II L166580; Landbúnaðarsvæði í frístundasvæði; Aðalskipulagsbreyting – 2101012

Sveitarstjórn Skeiða- og Gnúpverjahrepps samþykkti á fundi sínum þann 2. mars 2022 að kynna tillögu aðalskipulagsbreytingar sem tekur til Miðhúsa II, L166580. Í tillögunni felst breytt afmörkun og minnkun á frístundabyggð F39. Svæðið neðan vegar minnkar sem nemur um 10 ha en svæðið ofan vegar stækkar sem nemur um 5 ha.

Málið er í kynningu frá 9. mars 2022 til og með 31. mars 2022.

Samkvæmt 40. gr. skipulagslaga nr. 123/2010 eru hér kynntar tillögur eftirfarandi deiliskipulagsáætlana:

Strengur veiðihús L166685; Skarð 1 og Skarð 2; Deiliskipulag – 2202036

Sveitarstjórn Skeiða- og Gnúpverjahrepps samþykkti á fundi sínum þann 2. mars 2022 að kynna tillögu deiliskipulagsáætlunar sem tekur til veiðihúss á eyrum Stóru-Laxár. Í deiliskipulaginu felst að heimilt verði að byggja veiðihús allt að 400 m² á einni hæð. Auk þess er heimilt viðhald og stækkun núverandi húss um allt að 30 m².

Málið er í kynningu frá 9. mars 2022 til og með 31. mars 2022.

 

Samkvæmt 41. gr. skipulagslaga nr. 123/2010 eru hér auglýstar tillögur eftirfarandi deiliskipulagsáætlana:

Flatir Réttarholt; Stækkun frístundasvæðis F27; Deiliskipulagsbreyting – 2005080

Sveitarstjórn Skeiðs- og Gnúpverjahrepps samþykkti á fundi sínum þann 9. febrúar 2022 að auglýsa deiliskipulagsbreytingu sem tekur til frístundasvæðisins að Flötum í landi Réttarholts merk F27 á aðalskipulagi. Í breytingunni felst stækkun skipulagssvæðis og fjölgun lóða innan þess. Staðsetning á leik- og opnu svæði er breytt og skilgreind gönguleið. Skilmálar skipulagsins eru uppfærðir í heild sinni eftir breytingu þar sem m.a. er skilgreint nýtingarhlutfall lóða og byggingarheimildir.

  Málið er auglýst frá 9. mars 2022 til og með 21. apríl 2022. 

 

Ofangreindar skipulagstillögur liggja frammi til kynningar á skrifstofu skipulagsfulltrúa, Dalbraut 12, Laugarvatni á skrifstofutíma embættisins. Að auki er hægt að nálgast tillögur og gögn þeim tendum hér. Einnig eru málin auglýst í Dagskránni, Fréttablaðinu og Lögbirtingablaðinu.

Athugasemdum og ábendingum skal skila skriflega á skrifstofu UTU Dalbraut 12, Laugarvatni eða með tölvupósti á netfangið vigfus@utu.is

Vigfús Þór Hróbjartsson
Skipulagsfulltrúi UTU