Meistarar á skákdegi í Þjórsárskóla

Mánudagur, 1. febrúar 2016
Magnús og Þrándur, kampakátir.

 Skákdagurinn haldinn um land allt 26. janúar. Dagurinn er tileinkaður Friðriki Ólafssyni, fyrsta stórmeistara Íslendinga  í skák. Þjórsárskóli tók þátt í þessum viðburði og haldið var skákmót í skólanum.  Nemendum  var skipt í tvo hópa, eldri og yngri.  Teflt var á 8 borðum í eldri deild og 12 borðum í yngri deild.  Mikil spenna myndaðist þegar að síðustu einvígin voru háð.  Í eldri deild vann Þrándur Ingvarsson, Þrándarholti 4 og í yngri deild vann Magnús Arngrímur Sigurðsson, Skarði. Við óskum meisturnum innilega til hamingju.