Stórmerkilegur fornleifafundur í Þjórsárdal.

Sunnudagur, 14. október 2018
Stöng í Þjórsárdal

Fundist hefur áður óþekkt bæjarstæði í Þjórsárdal. Það var heimamaðurinn Bergur Þór Björnsson frá Skriðufelli sem fann bæjarstæðið. Fornleifafræðingar fóru á vettvang síðastliðinn föstudag og báru kennsl á nokkra merka forngripi í lausum jarðvegi. Þar er einna mætastur þórshamar úr sansdsteini,  má leiða að því líkum hann hafi verið borinn um háls einstaklings fyrir 1.000 árum eða svo. Gefur það til kynna að þar hafi farið einstaklingur sem ekki var kristinnar trúar. Ekki hefur áður fundist þórshamar úr steini hér á landi. Auk þess fundust sylgja, alur og heinarbrýni. Meðal fronleifafræðinganna er Ragnheiður Gló Gylfadóttir sem hefur að undanförnu unnið að fornleifaskráningu fyrir sveitarfélagið. Að hennar sögn er um stórmerkilegan fund að ræða. Mikill áhugi sé á að kanna bæjarstæðið nánar. Bærinn hefur verið skírður Bergsstaðir í höfuð finnandans.

Sjá nánar um fréttina á RÚV   http://www.ruv.is/sjonvarp/spila/frettir-kl-19-00/23879?ep=7gbure