Menningar- og æskulýðsnefnd 2018-2022

Númer fundar: 

4

Dagssetning fundar: 

Mánudagur, 1. apríl 2019

Tími fundar: 

17:00

Mættir:: 

 Anna Ásmundsdóttir, Hrönn Jónsdóttir, Ástráður Unnar Sigurðsson, Haraldur Ívar Guðmundsson og Kristófer A.Tómasson. Hrönn skrifar fundargerð

Fundargerð: 

Fundargerð 4. fundar Menningar – og æskulýðsnefndar 01. 04. 2019 kl. 17.00

Ákveðið að hafa vinnufund fyrir þá sem ætla að taka þátt í Uppsprettunni þriðjudaginn 30. maí og boðið verði upp á pizzu og mögulega seldur bjór. Anna tekur að sér að tala við Pizzavagninn. Líklegir samstarfsaðilar boðaðir en einnig auglýst í fréttabréfinu að allir séu velkomnir ef fleiri vilja taka þátt.

Dagsetningar fyrir hátíðina:

  • Föstudagur 14. júní
    • Hreinsunarsprettur föstudaginn 14. Júní Allir sveitungar hvattir til að ganga sína heimreið og tína rusl, ruslahaugarnir fyrir fólk að skila af sér ókeypis þá viku og svo brenna miðsvæðis í sveitarfélaginu (t.d. Sandlækjarkoti). Haraldi falið að halda utan um skipulag og vera í samstarfi við Lions.
  • Laugardagur 15. Júní
    • Morgunverður kl. 9-11 í Árnesi
    • Þjórsárdalur – Skógarviðburður – Landnámssúpa í skóginum kl. 12 -16
    • Sundlaugarnar – Seinnipartur, lifandi tónlist
    • Pubquizz / Bjórkvöld / Trúbador  Í Flísasalnum 15, eða 16. Júní eftir því hvenær ball er. Önnu falið að tala við Birgi um að halda þetta.
  • Sunnudagur 16. júní
    • Hádegisverður – kl. 11.30 – 13.00 Brautarholt, niðurgreitt af SKOGN, Anna talar við Korngrís  (ath hvort hægt er að fá gerði/girðingu fyrir hross í Húsatóftum og auglýsa það til að fá fólk ríðandi af stað)
    • Brokk og skokk – Murneyrar kl. 14 Hrönn falið að tala við landeigendur og hafa samband við hestamannafélög.
    • Opin hús /fjós? Hafa það hreyfanlegan dag..... Önnu falið að tala við Skaftholt
    • Ball 18. ára og eldri, Ástráði falið að skipuleggja ball, athuga hvaða hljómsveit er hægt að fá og hvor dagurinn er betri, laugardagur 15, 16. Júní
  • Mánudagur  17. Júní

Boðaðir á vinnufund:

  • Jóhannes – Tálguhnífar, skógarkaffi
  • Berg – Fornminjar
  • Skólarnir –  Búa til stubbaratleik fyrir leikskólakrakkana, búa til kynningu á landnámsmönnum í sveitarfélaginu til að kynna til dæmis í fréttabréfinu – Önnu falið að hafa samband við Grunnskólann.
  • Ungmennafélögin – hlaup?

Eitthvað sem er í gangi:

  • Opinn dagur einhverstaðar?
  • Fuglahræðukeppni  - Verðlaunaafhending fyrir flottustu fuglahræðuna, höfum einkennislit hátíðarinnar, sem allir nota í sínum skreytingum ef fólk vill skreyta. Hrönn falið að halda utan um Fuglahræðukeppni.
  • Markaðssetning / Kynning á hátíðinni: Ungmennaráð falið að kynna hátíðina
  • Leikstarf fyrir börnin – ath leikdeild Gnúpverja – Hrönn falið að kanna áhuga ( Sesselja og Nikulás)

Næsti fundur 30. apríl kl. 20.00

Fundi slitið kl  18.27