Sveitarstjórn 2018 -2022

Númer fundar: 

26

Dagssetning fundar: 

Miðvikudagur, 21. ágúst 2019

Tími fundar: 

09:00

Mættir:: 

Björgvin Skafti Bjarnason, Ingvar Hjálmarsson, Anna Sigríður Valdimarsdóttir,Matthías Bjarnason og Ástráður Unnar Sigurðsson er mætti í forföllum Einars Bjarnasonar.

Auk þess sat Kristófer A. Tómasson sveitarstjóri fundinn og ritaði hann fundargerð.

Spurðist oddviti fyrir um hvort athugasemdir væru við fundarboðið, svo reyndist ekki vera.

Fundargerð: 

Árnesi, 21 ágúst, 2019

Raðnúmer fundar í GoPro skjalakerfi 201904-0037  

26. Fundur Sveitarstjórnar

Mál til afgreiðslu og umfjöllunar:

1. Gaukshöfði. Sigrún Guðlaugsdóttir fulltrúi eigenda Gaukshöfða greindi frá umgengnismálum við Gaukshöfða og áhyggjum sínum af slæmu ástandi þessa svæðis vegna mikils ágangs ferðamanna á liðnum árum. Sigrún sendi sveitarstjórn bréf þessa efnis fyrir fundinn. Sigrún leggur til að lokað verði fyrirað gengi vélknúinna ökutækja að Gaukshöfða  sem fyrst. Sveitarstjórn tekur undir erindið og samþykkir að undirbúa umrætt bann og felur sveitarstjóra að kynna svæðisstjóra Vegagerðarinnar á Suðurlandi áform um bann við akstri vélknúinnar ökutækja að Gaukshöfða.

2. Fjárhagsmál. Sveitarstjóri lagði fram yfirlit yfir rekstur sveitarfélagsins fyrstu sex mánuði ársins 2019. Einnig lagði hann fram hugmyndir um viðauka við fjárhagsáætlun og lántöku vegna fjárfestinga. Afgreiðslu frestað til næsta fundar, þar sem gögn vantar vegna tiltekinna mála.

3. Breyting á íbúð í Björnskoti vinnugögn,  kostnaðaráætlun. Afgreiðslu frestað til næsta fundar þar sem ekki lágu fyrir nægar upplýsingar vegna málsins. Nokkrar umræður urðu um málið.

4. Skipun fulltrúa í atvinnu- og samgöngunefnd. Afgreiðslu frestað.

5. Skipun fulltrúa í Skólanefnd 2018-2022. Anna Þórný Sigfúsdóttir hefur flutt úr sveitarfélaginu og víkur því úr skólanefnd. Sveitarstjórn samþykkir samhljóða að Anna Kristjana Ásmundsdóttir verði aðalmaður í nefndinni í hennar stað. Einnig samþykkir sveitarstjórn samhljóða að Vilborg María Ástráðsdóttir verði varamaður í nefndinni.

6. Hugmyndir um notkun félagsheimilisins Árness. Rætt var um hugmyndir um hlutverk félagsheimilisins Árness. Samþykkt að skipa fimm manna vinnuhóp sem fjalli um hlutverk félagsheimilisins. Tilnefningu frestað til næsta fundar sveitarstjórnar.

7. 181 fundargerð Skipulagsnefndar frá 15.08.2019. Mál nr. 20, 21 og 22 þarfnast afgreiðslu.

Sandlækur 1 land 2 L201307; Úr frístundabyggð í íbúðarbyggð; Deiliskipulagsbreyting - 1907051

Lögð er fram umsókn Vigfúsar Þórs Hróbjartssonar hjá EFLU verkfræðistofu um breytingu á deiliskipulagi frístundabyggðar Sandlækjar 1, lands 2 í Skeiða- og Gnúpverjahreppi, L201307, fyrir hönd Fjölskyldubúsins ehf. Í breytingartillögunni felst að svæðinu í heild verði breytt úr frístundabyggð í íbúðarbyggð fyrir 6 lóðir.

Skipulagsnefnd UTU mælist til að sveitarstjórn Skeiða- og Gnúpverjahrepps samþykki tillöguna, í samræmi við 1. mgr. 43.gr. skipulagalaga nr. 123/2010, og að tillagan verði auglýst skv. 1.mgr. 41.gr. sömu laga. Tillagan er í samræmi við nýja tillögu að endurskoðuðu aðalskipulagi Skeiða- og Gnúpverjahrepps 2017-2029, þar sem svæðið er skilgreint sem íbúðarbyggð.

Við gildistöku deiliskipulags íbúðarbyggðar fellur úr gildi deiliskipulag frístundarbyggðar fyrir sama svæði sem öðlaðist gildi 14.3.2018.

Sveitarstjórn samþykkir ofangreinda deiliskipulagstillögu í samræmi við 1. mgr. 43.gr. skipulagslaga nr 123/2010 og samþykkir jafnframt að tillagan verði auglýst skv. 1.mgr 41. gr sömu laga. 

Stóra Hof L208877 og L203207; Markagilsflöt og Brúnir; Deiliskipulag - 1903002

Lögð er fram umsókn Ólafs Hlyns Guðmarssonar, dags. 28. febrúar 2019, um nýtt deiliskipulag fyrir lóðir úr landi Stóra-Hofs, L208877 og L203207. Deiliskipulagstillagan er unnin með hliðsjón af endurskoðuðu aðalskipulagi Skeiða- og Gnúpverjahrepps sem er í vinnslu. Deiliskipulagstillagan gerir ráð fyrir að á skipulagssvæðinu, sem er um 12,4 ha, verði stofnaðar 6 lóðir fyrir verslun og þjónustu og 1 lóð fyrir íbúðarhús og geymslu. Þá er einnig sótt um ný heiti í samræmi við reglugerð um skráningu staðfanga nr. 577/2017. Við samþykkt á þessa nýja endurskoðaða deiliskipulagi mun eldra gildandi deiliskipulag svæðisins sem var auglýst í B-deild Stjórnartíðinda 28.4.2015 falla úr gildi.

Skipulagsnefnd UTU mælist til að sveitarstjórn Skeiða- og Gnúpverjahrepps samþykki tillöguna og að tillagan verði auglýst í samræmi við 1. mgr. 41. gr. skipulagslaga nr. 123/2010. Leita skal eftir umsögn Vegagerðarinnar, Heilbrigðiseftirlits Suðurlands og Minjastofnunar Íslands. Þá er skipulagfulltrúa falið að kynna tillöguna sérstaklega eigendum aðliggjandi lóða.

Sveitarstjórn samþykkir ofangreinda deiliskipulagstillögu í samræmi við 1. mgr. 43.gr. skipulagslaga nr 123/2010 og samþykkir jafnframt að tillagan verði auglýst skv. 1.mgr 41. gr sömu laga. Leitað verði eftir umsögn Vegagerðarinnar, Heilbrigðiseftirlits Suðurlands og Minjastofnunar Íslands.

Hagi (L166550); Umsókn um byggingarleyfi; Fjós - 1905059

Fyrir liggur umsókn Hagagnúps ehf. dags. 20. maí 2019 móttekin sama dag um byggingarleyfi til að byggja fjós 954,2 m2 á jörðinni Haga (166550) í Skeiða- og Gnúpverjahreppi. Málinu var vísað til skipulagsnefndar til afgreiðslu þar sem ekki liggur fyrir deiliskipulag á svæðinu.

Sveitarstjórn Skeiða- og Gnúpverjahrepps samþykkti 19.6.2019, fyrirhuguð áform um byggingu fjóss 954,2 m2 með fyrirvara um niðurstöðu grenndarkynningar. Tillagan var grenndarkynnt með útsendum gögnum 4.júlí og var athugasemdafestur gefinn til 4.ágúst 2019.

Athugasemdir bárust. Helstu athugasemdir snúa að skerðingu útsýnis vegna staðsetningar bygginga, mikilli umferð og lyktarmengun, skortur á ítarlegri gögnum á afstöðumynd, hugsanlega auknum vindstrengjum, snjósöfnun og álits Skipulagsstofnunar með tilliti til mats á umhverfisáhrifum.

Skipulagsnefnd UTU frestar afgreiðslu máls og óskar eftir viðbrögðum umsækjanda við innsendum athugasemdum.

Sveitarstjórn frestar afgreiðslu málsins þar til viðbrögð umsækjanda málsins liggja fyrir.

8. Sandlækur skipulagsbreyting. Dagskrárliður fellur niður. Málið fellur undir mál nr 7.

9. Skipulagsstofnun Umsögn um aðalskipulag  2017-2029. Umsögn lögð fram og kynnt.

10. Skeiðalaug Fundargerð frá fundi með Ara Verkís og Jes Einarssyni. Fundargerð lögð fram og kynnt. Fram kemur í fundargerð að ástand Skeiðalaugar er mjög slæmt.

 

Mál til kynningar

11. Fundargerð samstarfsnefndar SKOGN og LV 15.08.19

12. Fundur Heilbrigðisstefna 15.08.19

13. Fundargerð stjórnar Sorpstöðvar Suðurlands

14. Göngum í skólann

15. Fundur um svæðisskipulag 15.08.19

16. Rætt um fastan fundartíma. Samþykkt að sveitarstjórnarfundir hefjist framvegis kl 8:30 árdegis.

Fundi slitið kl. 11:20  Næsti fundur sveitarstjórnar ákveðinn  miðvikudaginn  4.september . kl  08.30 í Árnesi.