Umhverfisnefnd 2018-2022

Númer fundar: 

03

Dagssetning fundar: 

Fimmtudagur, 31. janúar 2019

Tími fundar: 

20:00

Mættir:: 

Mætt til fundar : Jónas Yngvi Ásgrímsson, Matthías Bjarnason og Sigþrúðar Jónsdóttur. Auk þess Kristófer A. Tómasson sveitarstjóri. Sigþrúður Jónsdóttir ritaði fundargerð.

Fundargerð: 

03. fundar í Umhverfisnefnd Skeiða- og Gnúpverjahrepps 2018-2022.    31.01.2019  kl. 20:00

Staður: Árnes,  fundarherbergi.

Formaður setti fund og gengið var til dagskrár.

Dagskrá:

1. Erindi frá sveitarstjórn um trjágróður og skógarlundi, sem Bergur Þór Björnsson sendi sveitarstjórn varðandi skógarlundi í sveitarfélaginu. 

Umhverfisnefnd ætlar að boða Berg Þór að á næsta fund nefndarinnar og kynna þessa hugmynd.

2. Staðfesting á kjöri í Vatnanefnd. Tilnefning í vatnasvæðanefnd. Umhverfisnefndar tilnefna Sigþrúði Jónsdóttur og Jónas Ásgrímsson til vara. Sveitarstjórn samþykkti það.

3. Samkvæmt fundargerð sveitarstjónar 09.01.2018, kynnti  Landsvirkjun áform sín um fyrirhugaðar framkvæmdir. Þær eru framkvæmd við Sultartangavirkjun, færsla á brú yfir Sultartangaskurð, uppbygging vegar að Hjálparfossi og göngubrú yfir Þjórsá við Búrfellskóg. Umhverfisnefnd óskar eftir kynningu á þessum atriðum frá Landsvirkjun.

Varðandi uppbygginu á vegi að Hjálparfossi vill umhverfisnefnd  minna á að hér verður að taka tillit til þess að svæðið er í friðlýsingarferli.

Umhverfisnefnd vill fylgjast vel með þessum áformum Landsvirkjunar um stækkun Sultartangavirkjunar vill fá frekari upplýsingar og gögn. Sérstaklega er mikilvægt að vita hvort lónshæð verði breytt.

4. Rætt um alvarlega stöðu sorpmála á Suðurlandi vegna óflokkaðs úrgangs sem hingað til hefur verið urðaður. Nefndarmenn taka undir bókun Önnu Sigríðar Valdimarsdóttur á síðasta fundi sveitarstjórnar, 23. janúar 2019 sem hljóðar svo: „Það er að mínu mati dapurleg niðurstaða og skortur á framsýni ef það er talið vænlegasti kostur að flytja sorp út yfir Atlantshafið til þess að brenna því í öðru land, með tilheyrandi kostnaði, orkueyðslu og mengun við flutninginn.“

5. Sigþrúður sagði frá nýjum áherslum í skipulagsmálum þar sem umhverfissálfræði er tekin inn í skiplagið. Nú þegar hafa nokkur sveitarfélög fengið umhverfissálfræðinga til liðs við sig í slíkri vinnu.

Fleira ekki tekið fyrir.

Fundi slitið kl 10:10