Allar fréttir

Föstudagur, 11. ágúst 2017

 Skrifað var  undir verksamning  11. ágúst 2017 milli Skeiða- og Gnúpverjahrepps  og  verktakafyrirtækisins  Neseyjar ehf.  Um er að ræða verkið   "Árnes, Brautarholt, gatnagerð og fráveita 2017."  Verkið felur í sér malbikun á götum í Árnesi og Brautarholti, gerð gangstétta og steyptra kantsteina. Einnig þarf að setja sandföng og regnvatnsniðurföll sem tengja þarf við núverandi regnvatnslög og jarðvegsskipta þarf hluta vegsniðs. Samningsupphæð samkv. tilboði verktaka er  kr. 126.712.760,-  og verkinu skal lokið 1. október 2018.

Við undirskrift samningsins 2017
Fimmtudagur, 10. ágúst 2017

Ákveðið hefur verið að nemendur Þjórsárskóla þurfi ekki að greiða fyrir hin hefðbundnu námsgögn eins og stílabækur blýanta og annað það er nota þarf við námið komandi vetur.

Þjórsárskóli er grænfánaskóli
Miðvikudagur, 9. ágúst 2017

Næsti sveitarstjórnarfundur verður haldinn 23. ágúst 2017 kl. 14:00. Erindi sem verða tekin fyrir á þeim fundi þurfa að  berast fyrir helgina á undan eða 18. ágúst.

Reyniviðarber
Mánudagur, 7. ágúst 2017

Fyrr á árinu voru upplýsingaskiltum komið fyrir við Háafoss og Hjálparfoss í Þjórsárdal. Texti á skiltunum er á ensku og íslensku.

Fossarnir njóta báðir mikilla vinsælda ferðamanna, enda mjög tilkomumiklir og ægifagrir. Háifoss er næsthæsti foss landsins. Við Hjálparfoss var aðstaða bætt fyrir nokkrum árum með gerð nýrra stíga og áningarpalla. Er ekki annað að sjá en vel hafi tekist til með þær framkvæmdir. Innan tíðar verður þar komið fyrir salernum. Þörf er á að bæta  veg að Háafossi og aðra aðstöðu þar. 

Háifoss innst í Þjórsárdal, næsthæsti foss landsins.
Laugardagur, 29. júlí 2017

Fundarboð

Boðað er til fundar í sveitarstjórn Skeiða-og Gnúpverjahrepps í Árnesi þriðjudaginn 1 ágúst 2017  kl. 08:00.

Dagskrá:

Mál til umfjöllunar og afgreiðslu :

1.     Rauðikambur ehf- Viljayfirlýsing um samning um svæði í þjórsárdal.

2.     Stækkun friðlands í Þjórsárverum.

Föstudagur, 28. júlí 2017

Skrifstofa sveitarfélgasins er opin nú eins og venjulega  kl. 09:00 -12:00 og 13:00 - 15:00 mánudaga  - fimmtudaga. Einnig er opið á föstudögum kl. 09:00 -12:00. Sími í Áhaldahúsinu er 893-4426 og þar eru teknar pantanir í fjallaskálana Gljúfurleit, Bjarnarlækjarbotna og Tjarnarver  til 09. ágúst.-, síminn er 893-4426.   Bókanir í Félagsheimilið Árnes eru teknar  í síma  486-6044 og bókanir fyrir Félagheimilið Brautarholt   í síma 898-9172.

Ari Thorarensen tekur pantanir í Klett og Hallarmúla á netfangið arith@simnet.is til 9. ágúst.

Reyniviður í blóma
Sunnudagur, 9. júlí 2017

Glöggir lesendur vefs Skeiða- og Gnúpverjahrepps hafa eflaust tekið eftir að fylgigögn vegna þeirra mála sem tekin eru til afgreiðslu á sveitarstjórnarfundum eru nú aðgengileg á vefnum. Þau eru staðsett neðan við hverja fundargerð. Auk þess eru sett  þar inn skjöl vgna mála til kynningar. 

Gögnin eru sett inn á vefinn í beinu framhaldi af því að fundargerðin er sett þar inn.  Þetta á við um öll mál, nema tilkomi að sérstakur trúnaður þurfi að ríkja um mál.

Fimmtudagur, 29. júní 2017

Bláskógabyggð, Grímsnes-og Grafningshreppi, Hrunamannahreppi, Skeiða-og Gnúpverjahreppi, Flóahreppi og Ásahreppi. Aðalskipulagsmál. Samkvæmt 1. mgr. 30. gr. skipulagslaga nr. 123/2010 er hér kynnt lýsing fyrir eftirfarandi aðalskipulagsbreytingu:

Úr myndasafni
Fimmtudagur, 29. júní 2017

Sumarlokun skrifstofu hefst þann 10. júlí og stendur til og með 26. júlí n.k. Sími hjá starfsmanni Áhaldahúss er 893-4426,  Ari Einarsson  og hann mun einnig taka við bókunum í Glúfurleit, Bjarnalækjarbotna og Tjarnarver þennan tíma,  ari@skeidgnup.is og í  síma Áháldahússins 893-4426.

Hortensía, Hindarblóm, Hydrangea macrophylla
Mánudagur, 26. júní 2017

Vinna við aðalskipulag Skeiða- og Gnúpverjahrepps er í gangi og að þeirri vinnu koma sveitarstjórn, Verkfræðistofan Efla ehf  á Selfossi og Steinsholt sf,  á Hellu. Hér má skoða þau gögn  sem eru til staðar í vinnunni og eru íbúar beðnir  um að koma með ábendingar eða athugasemdir inn í þá vinnu,  "betur sjá augu en auga."

 

Tjaldsvæði við Árnes

Pages