Líkamsrækt Skeiðalaugar

Líkamsrækt Skeiðalaugar

Líkamsrækt Skeiðalaugar var opnuð þann 22. maí 2023. Hún er staðsett í kjallara hússins, inngangur á bakvið fyrir neðan sundlaugina.

Aðgangur í líkamsræktina fylgir með keyptum árskortum í Skeiðalaug. Við kaup á aðgangskortum fær viðkomandi aðgangskort sem veitir aðgang að salnumá opnunartíma. Allur helsti búnaður til líkamræktar er á svæðinu, handlóð, ketilbjöllur, veggboltar, teygjur, sippubönd, stangir og rekki, hjól og róðravél svo eitthvað sé nefnt.

Stórir og rúmgóðir búningsklefar með sturtum eru á sömu hæð.

Verðskrá og opnunartími

Umgengnisreglur í líkamsræktinni 

• Aðeins einstaklingar með aðgangskort hafa aðgang að salnum.
• Passið vel upp á aðgangskortið ykkar, því þarf að skila þegar áskrift líkur.
• Skilyrði er að ganga frá búnaði aftur á sinn stað eftir notkun.
• Vinsamlega gangið snyrtilega um og þrífið upp eftir ykkur og gangið frá öllu.
• Allt rusl fer í ruslatunnur og dósir í dósatunnu.
• Fara þarf varlega í þyngdir ef æft er ein/n.
• Gangið vel um búnaðinn og húsnæðið.
• Búnaður má ekki vera úti á steypunni, aðeins á sérstökum útimottum, annars skemmist hann.
• Fjarstýringu á klukkunni þarf alltaf að skila aftur í hólfið á töflunni.
• Sýnið öðrum sem æfa í salnum virðingu, hafið tónlist í eyrunum eða í hátalara með samþykki annarra á svæðinu.
• Börn yngri en 14 ára þurfa ávallt að vera í fylgd með fullorðnum og mega alls ekki vera eftirlitslaus.
• Geymið útiskó, töskur og aðra fylgihluti inn í búningsklefum á meðan æfingu stendur.

Ef einhverju er ábótavant og þarf að láta vita af er hægt að hafa samband við umsjónaraðila hússins, einnig ef það eru einhverjar spurningar:

Viktoría Rós – sími: 772-2484 – netfang: viktoriaros@skeidgnup.is