Lóðir lausar til úthlutunar

Hér fyrir neðan má sjá lóðir sem lausar eru til umsókna í Brautarholti og Árnesi. Í Brautarholti er leikskóli sveitarfélagsins og Skeiðalaug þar sem eru að klárast miklar endurbætur og er þar SPA aðstaða og líkamsrækt. Brautarholt er í um 20 mínútna akstursfjarlægð frá Selfossi og í alfaraleið við Skeiða- og Hrunamannaveg. Í úthlutun eru lóðir við nýja götu, Vallarbraut sem verður tilbúin til afhendingar 1. júní 2024 ásamt tveimur raðhúsalóðum við Holtabraut og tveimur atvinnulóðum við Holtstagl.

Hægt er að senda umsóknir um lóðir á umsóknareyðublaði hér fyrir neðan. Úthlutun lóða þarf að staðfesta á sveitarstjórnarfundi Skeiða- og Gnúpverjahrepps. Verði fleiri en ein umsókn umóð verður dregið í samræmi við reglur um lóðaúthlutun Skeiða- og Gnúpverjahrepps. 

Á lóðunum Holtabraut 21a-c, 23 a-c og 37,39 og 41 er langt niður á fast og er veittur 75% afsláttur af gatnagerðargjöldunum. Útreikningur gjalda miðast við afslátt.

Reynist vera óverulegt misræmi á milli deiliskipulags og lóðarblaða er varðar legu eða stærð lóðar þá gilda lóðablöðin umfram deiliskipulagið.