- Stjórnsýsla
- Þjónusta
- Íþróttir og útivist
- Fréttir
- Mannlíf & menning
Leikholt er leikskóli staðsettur í Brautarholti í Skeiða- og Gnúpverjahreppi. Brautarholt er byggðarkjarni staðsettur mitt á milli Selfoss og Flúða. Brautarholt var áður þekkt fyrir vinsælt tjaldsvæði en á síðustu árum hefur blómstrað þar fjölskylduvæn íbúðabyggð.
Opnunartími Leikholts:
Alla virka daga er opið frá kl. 8:00-16:00, hægt er að sækja um umframvistun, 15 mínútur fyrir opnunartíma og 30 mínútur eftir lokun (til kl. 16.30). Sótt er um umframvistun hjá leikskólastjóra.
Sumarfrí:
Leikskólinn Leikholt er lokaður í fimm vikur á sumrin vegna sumarleyfa.
Aðalsímanúmer: 4865586
Símanúmer deilda:
Hestfjall: 8399962
Hekla: 8399960
Vörðufell: 8399961
Innritunarreglur LeikholtsGjaldskrá Leikholts
Gjaldskrárreglur Leikholts Leikskóladagatal 2024-2025
Leikholt hefur verið eins til tveggja deilda leikskóli þar til haustið 2020 var skipulaginu breytt í þrjár deildir. Deildirnar heita Hekla, Vörðufell og Hestfjall eftir fjöllunum í kring. Hestfjall er með börn á aldrinum eins árs til tveggja ára, Hekla með börn tveggja ára til fjögurra ára og Vörðufell með elstu börnin fjögurra ára til sex ára. Veturinn 2024 var opnuð ein auka deild sem gengur undir nafninu Miðholt og er fyrir allra yngstu börnin. Sú deild er virkjuð þegar þurfa þykir og stórir hópar eru að koma inn í aðlögun á sama tíma.
Mjög gott og virkt samstarf við er við Þjórsárskóla í Árnesi. Elstu börnin í leikskólanum fara í heimsóknir í skólann þar sem þau fá að upplifa ýmsa tíma í skólanum. Leikskólakennari fer með þeim og er í samstarfi við 1. bekkjar kennarann. Börnin læra um leið á skólabílana, enda flest börn sveitarfélagsins sem þurfa síðar að nota skólabíl í skólann.
Í lok heimsóknanna að vori fá þau að fara að heiman í skólabílnum og fara í heilan dag í grunnskólann og eru keyrð heim á sama tíma og aðrir nemendur Þjórsárskóla.
Til að hafa samband við leikskólann er hægt að senda tölvupóst til leikskólastjóra í netfangið leikholt@leikholt.is Einnig er hægt að hringja í símanúmerið 486-5586.
Hér er hægt að sækja um leikskólavist: Sækja um leikskóladvöl
Skólaárið 2015-2016 voru 20-24 börn sem stunduðu nám í leikskólanum Leikholti.
Skólaárið 2023-2024 eru um 42 börn skráð í leikskólann.
Einkunnarorð Leikholts eru: Gleði, vinsemd og virðing.
Leikholt er lítill leikskóli í stóru húsnæði með stórt hjarta. Húsnæðið sem leikskólinn er í var áður barnaskóli en er í dag leikskóli og félagsheimili.
Þar sem húsnæðið er mjög stórt erum við afar heppin að geta dreift okkur vel um húsið og skipt börnunum í þægilega litla hópa, það má segja að það sé okkar sérstaða og sé hér auðvelt að hugsa um einstaklinginn.
Leikskólinn Leikholt er mjög ríkur af faglegu og hæfileikaríku starfsfólki.
Persónuverndarstefnu sveitarfélagsins og þar á meðal reglur um meðferð persónuupplýsinga má finna hér