Laus staða deildarstjóra unglingastigs í Þjórsarskóla

Félagsmiðstöðin Ztart, Þjórsárskóla

Þjórsárskóli er grunnskóli fyrir 1.-9. bekk. Nemendur eru rétt rúmlega 60 talsins og er þeim kennt í þremur til fjórum kennsluhópum. Í Þjórsárskóla er lögð rík áhersla á á framsækið starf, fjölbreytta kennsluhætti og umhverfis- og sjálfbærnimennt þar sem stefnt er að lifandi og einstaklingsmiðuðu námi, samstarfi og nýsköpun. Skólinn er stækkandi og stefnir í heildstæðan grunnskóla eftir eitt ár.

Mikil þróun og vinna er í gangi við húsnæði og aðstöðu sem gefur mörg skemmtileg tækifæri í þróun kennsluhátta í samræmi við skólastefnu Skeiða- og Gnúpverjahrepps. Þjórsárskóli er staðsettur í fallegri byggingu í Árnesi. Sumarið 2024 var húsnæði Þjórsárskóla endurbætt, haustið 2024 hófst bygging nýs íþróttahúss sem verður í framtíðinni samtengt við skólahúsnæðið og í lok sumars 2025 er fyrirhugað að byggja nýtt lista- og verknámshús á lóð skólans og þegar því verður lokið verður aðstaða fyrir list- og verkgreinar til fyrirmyndar.

Á heimasíðu skólans, www.thjorsarskoli.is, eru frekari upplýsingar um skólann og starfsemi hans.
Laus er staða deildarstjóra á unglingastigi sem skiptist í 20% stjórnun og 80% kennslu, með möguleika á vaxandi stjórnunarhlutfalli.
Ráðið er frá 1. ágúst 2025.

Helstu verkefni og ábyrgð:
• Annast skipulagningu og þróun kennslu á unglingastigi.
• Þátttaka í þróun skólastarfs á öllum námsstigum í samræmi við skólastefnu.
• Kennsla.
• Þróun félagsstarfs í skóla.
• Samskipti við nemendur, starfsmenn og foreldra.

Menntunar- og hæfniskröfur
• Leyfisbréf til kennslu og reynsla af kennslu.
• Framhaldsnám í stjórnun æskilegt ásamt reynslu af stjórnun.
• Gott vald á íslensku í ræðu og riti.
• Frumkvæði og skipulögð vinnubrögð.
• Góð hæfni í mannlegum samskiptum og leiðtogafærni.
• Faglegur metnaður og færni til að vinna að fjölbreyttum verkefnum.
• Jákvæðni gagnvart skólaþróun
• Hæfni til að skapa hvetjandi námsumhverfi í takt við aðalnámskrá og skólastefnu okkar
• Hæfni til að leggja mat á stöðu og framfarir nemenda.
• Hæfni til að hafa í störfum sínum velferð og menntun nemenda að leiðarljósi og koma fram við þá af virðingu og fagmennsku sem byggist á lýðræði         og jafnrétti.
• Hæfni til að vinna að jákvæðum skólabrag og öruggu skólaumhverfi og stuðla að samfélagslegri ábyrgð nemenda.
• Hæfni til að stuðla að farsælu og uppbyggilegu samstarfi við heimili og forsjáraðila nemenda á jafnréttisgrundvelli og hafa ánægju af starfi með               börnum.
• Hæfni til að vera faglegur leiðtogi sem leggur sig fram um að skapa umbótamiðað lærdómssamfélag og taka ábyrgð á eigin starfsþróun.
• Hreint sakavottorð.

Fólk, óháð kyni, er hvatt til að sækja um.

Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940 né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því í auglýsingu að við ráðningu er heimilt að sækja upplýsingar úr sakaskrá um það hvort tiltekinn einstaklingur hafi hlotið dóm vegna brota á ákvæðum XXII. kafla almennra hegningarlaga, að veittri fræðslu til hans þar að lútandi.

Nánari upplýsingar veitir Bolette Höeg Koch, skólastjóri, sími 895 9660 netfang : bolette@thjorsarskoli.is
Umsóknarfrestur er til 16. apríl 2025. Skriflegar umsóknir ásamt ferilskrá, prófskírteinum, sakavottorði og upplýsingum um fyrri störf sendist í tölvupósti á bolette@thjorsarskoli.is.