Lausar kennarastöður í Þjórsárskóla

Þjórsárskóli er grunnskóli fyrir 1.-8. bekk. Nemendur eru rétt rúmlega 50 talsins og er þeim kennt í þremur kennsluhópum . Í Þjórsárskóla er lögð áhersla á sjálfbærni, nýsköpun, útikennslu og umhverfið. Skólinn er stækkandi og stefnir í heildstæðan grunnskóla eftir tvö ár. Mikil þróun og vinna er í gangi við húsnæði og aðstöðu sem gefur mörg skemmtileg tækifæri í þróun kennsluhátta í samræmi við skólastefnu Skeiða- og Gnúpverjahrepps. Þjórsárskóli er í tæplega 100 km fjarlægð frá höfuðborgarsvæðinu.

Á heimasíðu skólans, www.thjorsarskoli.is, eru frekari upplýsingar um skólann og starfsemi hans.

Óskum eftir kennurum í eftirfarandi stöður:

Íþróttir, útinám, jóga og list og verkgreinar. Um er að ræða tvær 100% stöður, kennslan er í 1.-8. bekk og miðast við frá 1. ágúst 2024.

Tvær 80 % stöður á yngsta stigi. Helstu verkefnin eru umsjónarkennsla á yngsta stigi og stöðvakennsla í 1.-4.bekk

Umsjónarkennari á miðstígi, 100 % staða, helstu verkefni eru íslenska, samfélagsfræði, danska og enska í 5.-8.bekk.

20% deildastjóri fyrir yngsta stig. Leitað er að kennara með reynslu af stöðvavinnu, fjölbreyttum kennsluháttum, námsgagnagerð og með góða þekkingu og reynslu á lestrakennslu.

20% deildastjóri fyrir miðstig og stoðþjónustu. Leitað er eftir sérkennara, skólasálfræðingi með kennsluréttindi og með reynslu af sérkennslu og almennri kennslu í grunnskóla.

Menntunar- og hæfniskröfur

• Leyfisbréf til kennslu og reynsla af kennslu.
• Gott vald á íslensku í ræðu og riti.
• Frumkvæði og skipulögð vinnubrögð.
• Góð hæfni í mannlegum samskiptum og ánægja af starfi með börnum
• Faglegur metnaður og færni til að vinna að fjölbreyttum verkefnum.
• Jákvæðni gagnvart skólaþróun
• Hæfni til að skapa hvetjandi námsumhverfi í takt við aðalnámskrá og skólastefnu okkar
• Hæfni til að leggja mat á stöðu og framfarir nemenda.
• Hæfni til að hafa í störfum sínum velferð og menntun nemenda að leiðarljósi og koma fram við þá af virðingu og fagmennsku sem byggist á lýðræði og jafnrétti.
• Hæfni til að vinna að jákvæðum skólabrag og öruggu skólaumhverfi og stuðla að samfélagslegri ábyrgð nemenda.
• Hæfni til að stuðla að farsælu og uppbyggilegu samstarfi við heimili og forsjáraðila nemenda á jafnréttisgrundvelli.
• Hæfni til að vera faglegur leiðtogi sem leggur sig fram um að skapa umbótamiðað lærdómssamfélag og taka ábyrgð á eigin starfsþróun.
• Hreint sakavottorð.

Fólk, óháð kyni, er hvatt til að sækja um.

Umsækjandi má hvorki hafa hlotið refsidóm vegna brota á ákvæðum XXII. kafla almennra hegningarlaga, nr. 19/1940 né hafa hlotið refsidóm fyrir brot gegn lögum um ávana- og fíkniefni, nr. 65/1974, á síðastliðnum fimm árum. Rétt er að vekja athygli á því í auglýsingu að við ráðningu er heimilt að sækja upplýsingar úr sakaskrá um það hvort tiltekinn einstaklingur hafi hlotið dóm vegna brota á ákvæðum XXII. kafla almennra hegningarlaga, að veittri fræðslu til hans þar að lútandi.

Nánari upplýsingar veitir Bolette Höeg Koch, skólastjóri, sími 895 9660 netfang : bolette@thjorsarskoli.is

Umsóknarfrestur er til 13. maí 2024. Skriflegar umsóknir ásamt ferilskrá, prófskírteinum, sakavottorði og upplýsingum um fyrri störf sendist í tölvupósti á bolette@thjorsarskoli.is.