Leitum að umsjónaraðila með vinnuskóla

Skeiða- og Gnúpverjahreppur óskar eftir aðila til að fara með umsjón með vinnuskóla sveitarfélagsins og önnur tilfallandi verkefni. Ráðningartími er frá og með 1 júní til og með 20. ágúst 2023. Vinnuskólinn er starfræktur fyrir ungt fólk í sveitarfélaginu á aldrinum 14 og 15 ára. Starfstími vinnuskólans er frá 5 júní til og með 3 ágúst.

Ábyrgðarsvið:

• Umsjón og verkstjórn í vinnuskóla ungmenna. Umsjónarmaður vinnuskóla leiðbeinir og samræmir vinnu ungmenna/sumarstarfsmanna í vinnuskóla sveitarfélagsins allt í samræmi við þau verkefni sem eru honum falin samkvæmt ákvörðunum sveitarstjóra og fjárheimildum.
• Starfsmaður verkstýrir ungmennum/sumarstarfsmönnum í sumarstarfi. Fer starfið fram að mestu utandyra.
• Starfsmaður ber ábyrgð á að farið sé eftir viðeigandi reglum um öryggi á vinnustað. Hann sinnir öðrum þeim verkefnum sem yfirmaður felur honum enda samræmist þau verksviði hans.
• Umsjónaraðili skal sýna fordæmi og vera góð fyrirmynd í lífi og starfi ungmenna sumarskólans.
• Tilfallandi verkefni í áhaldahúsi og á sorpgámasvæði.
• Um er að ræða vinnu við garðyrkjustörf og hreinsun umhverfisins í Skeiða- og Gnúpverjahreppi og önnur tilfallandi létt verkefni sem stuðla að því að fegra og bæta umhverfið.

Helstu verkefni

• Skipulagning vinnuskóla
• Almenn umhirða lóða og umhverfis við stofnanir sveitarfélaga, s.s. hreinsun lóða, sláttur, málningarvinna og önnur tilfallandi verkefni
• Halda utan um vinnuskýrslur fyrir ungmennin.
• Gerð áhættumats
• Huga að velferð ungmennanna og leiðbeina þeim um rétta líkamsbeitingu

Hæfniskröfur:

• Hæfni til leiðbeiningar
• Lipurð í samskiptum
• Stundvísi, snyrtimennska og reglusemi
• Frumkvæði og sjálfstæð vinnubrögð
• Þekking á starfsemi sveitarfélaga er kostur
• Þekking á landareignum, mannvirkjum og starfsemi Skeiða- og Gnúpverjahrepps
• Samstarfshæfni og samstarfsvilji
• Þagnarheit og virðing fyrir því
• Temur sér rétta líkamsbeitingu
• Almenn ökuréttindi
• Hreint sakarvottorð
• Þekking á meðferð og umhirðu verkfæra og áhalda
• Almenn tölvuþekking
• Skyndihjálp.
• Gott vald á íslenskri tungu
• Geta til að taka leiðbeiningum og gagnrýni
• Lipurð í almennum samskiptum
• Þekking á reglum um öryggi á vinnustöðum
• Þekking á boðskiptaleiðum og helstu viðbrögðum við slysum og áföllum
• Þekking á helstu atriðum barnaverndarlaga og tilkynningarferli vegna barnaverndarmála
• Þekking á samþykktum og reglum Skeiða- og Gnúpverjahrepps.
• Ökuréttindi BE sem veitir réttindi til að stjórna ökutæki með kerru allt að 3.500 kg

Laun greidd samkvæmt kjarasamningum FOSS. Nánari upplýsingar um starfið gefur sveitarstjóri, Haraldur Þór Jónsson í síma 486-6100.

Fólk af öllum kynjum er hvatt til að sækja um.

Umsókn þarf að berast í síðasta lagi 15. mars 2023 á netfangið haraldur@skeidgnup.is