Fjallskil á Gnúpverjaafrétti 2018

Lagt verður upp í Sandleit miðvikudaginn 5. sept. og eftirsafn  laugardaginn. 22. september.

Fjallkóngur verður Guðmundur Árnason og foringi í Eftirsafni Arnór Hans Þrándarson.  Fjallskilasjóður sér fyrir mat og heyi í allar leitir.

Réttardagurinn er föstudagur 14. september og verður safnið rekið inn kl. 11.00.

Fjallmenn eru beðnir að merkja föggur sínar vel og hafa samband við trússara og láta vita hvar föggur þeirra  verða.  

Ef gulu fjallmannavestin liggja heima hjá einhverjum eru þeir vinsamlegast beðnir um að skila þeim sem fyrst.

Eftirsöfnum Gnúpverja, Skeiða og Flóamanna verður réttað í Skaftholtsréttum að morgni sunnudags hálfum mánuði eftir aðalrétt, ásamt óskilum úr heimahögum en lögboðinn smaladagur er degi áður (laugardag).  Skilarétt verður sunnudaginn 30.sept. kl. 10.00. 

“Hverjum bónda ber að hreinsa vel heimalönd sín af öllum óskilum við hverja almenningssmölun og halda öllu fé annarra sem best til skila.”  Sjá má fjallskilareglugerð í markaskrá og á www.skeidgnup.is  og eru landeigendur hvattir til að kynna sér hana.

Reykjaréttir eru laugardaginn 15. september og hefjast kl. 9.00. Þar er fjáreigendum ætlað að koma og draga fé sitt í sameiginlegan dilk Gnúpverja, að réttum loknum verður féð flutt í Skaftholtsréttir og dregið þar í sundur.