Kveðjuhóf til heiðurs Gylfa og Pétri 12. jan. í Aratungu kl.19:00

Flugeldar

Læknarnir í Uppsveitum Árnessýslu til meira en 30 ára, þeir Gylfi Haraldsson og Pétur Skarphéðinsson hafa nú látið af störfum. Þeir hafa verið einstaklega farsælir í sínum störfum og hlúð að heilsufari íbúanna með miklum sóma. Það má því ekki minna vera en þeir verði heiðraðir með kveðjuhófi. Hófið verður haldið fimmtudaginn 12 janúar nk. í Aratungu með fjölbreyttri dagskrá og kaffiveitingum og hefst það kl 19:00. Veislustjóri verður Halldór Páll Halldórsson rektor Menntaskólans á Laugarvatni. Við vonumst til að íbúar í læknishéraðinu sjái sér fært að mæta.

Undirbúningsnefndin.