Afréttarmálanefnd Gnúpverja

• Tilkynningar:
  • Vegagerðin búin að taka út veginn og samþykkja framkvæmdina frá því í sumar.
• Aðalefni fundarins í kvöld er að vinna í framkvæmdar- og fjárhagsáætlun.
  • Arnór heyrði í Sigurði Unnari og ræddi Gljúfurleit. Spurning um að ráða hann til að gera kostnaðaráætlun fyrir framkvæmdir í Gljúfurleit og Bjarnalækjabotnum.
  • Þurfum að funda með afréttamálanefnd Flóa- og Skeiða vegna framkvæmda í Bjarnalækjabotnum
  • Viðhald á réttum þarf að komast á fjárhagsáætlun
• Spurning að loka Gljúfurleit næsta sumar og klára það sem á að gera á einu bretti
  • að breyta hesthúsinu í svefnrými
  • breyta eldhúsinu
  • rífa innan úr öllu húsinu og klæða það með panel
  • setja upp bragga
  • setja upp vatnsklósettin úti
• Þurfum að fá fund með sveitarstjóra,
  • setja hann inn í það sem við erum að hugsa með tilliti til framkvæmda
  • fá samþykki til að ráða Sigurð Unnar
  • að fá sveitastjóra til að ræða við skógræktina um að laga girðinguna við Reykholt
  • að ræða viðhald á réttum
  • biðja sveitastjóra að sækja til vegagerðarinnar að láta laga safngirðinguna meðfram veginum
• Skoðum bragga inná vefsíðu Hýsi, okkur líst vel á bragga sem er 5x9x3,15. Leggjum til forsteypta sökkla, sem væri hægt að steypa í byggð í sjálfboðavinnu. Gylfi ætlar að senda tölvupóst og fá tilboð í svona bragga.
  • Ræðum staðsetningu og vindáttir.
• Þurfum að sækja klósetthúsið inn að Stöng, Arnór heyrir í Strá ehf.
• Gylfi heyrir í Ara Thor uppá að boða Afréttamálafélag Flóa- og Skeiða á fund með okkur og ræða Bjarnalækjabotna.
• Það á að fara að gera deiliskipulag í Hólaskógi, þurfum að vera með í þeirri vinnu og koma nýjum fjallmannakofa inn á deiliskipulagið.
• Hugmyndir sem fram komu á fundinum
  • Sandleit – þarf að leggja hana af?
  • Banna að keyra fé innar á afréttinn en eitthvað ákveðið?
  • Þurfum við að breyta fjallskilum, færa ábyrgðina á bændur? Að bændur skaffi sjálfir fjölda smala miðað við fjárfjölda.
  • Hafa sameiginlegan afrétt Flóa-Skeiða og Gnúpverja?
  • Framtíð réttanna. Rekstrarréttir?
• Umræða spannst um þessa punkta og ákveðið var að halda þurfi fund með fjárræktarfélaginu og taka umræðu þar – boða sauðfjárbændur í Gnúpverjahreppi á þann fund.
• Einnig var ákveðið að hafa samband við vini Skaftholtsrétta. Helga heyrir í Lilju Loftsdóttur.

Fundi slitið kl. 22.40