Skólanefnd

Dagskrá:

1.       Skóladagatal 2016 - 17.

Skóladagatalið lagt fram og kynnt. Í ár mun Þjórsárskóli taka þátt í tilraunaverkefni varðandi samræmd próf, þ.e. að kanna hvort tækjabúnaður skólans standist kröfur vegna þessa. Til stendur að samþykkja skóladagatalið á næsta fundi því óvissa er ennþá um tímasetningu vetrarfrís.   Skóladagatal 2016-2017

2. Erasmus styrkur

Fyrr á skólaárinu var sótt um styrk vegna Erasmus verkefnisins fyrir skólaárið 2016 – 17 fyrir 10 manns, þar sem þema verkefnisins er jafnrétti og lýðræði. Styrkur var aftur á móti einungis veittur fyrir 5 manns. Finna þarf lausn á því hverjir það verða sem fara fyrir hönd skólans. Skólanefnd gleðjumst yfir þessum 5 plássum.

3.Skipulag vetrarins.

Bolette segir frá kennsluskipulagi komandi vetrar. Samkennsla verður í 1. og 2. bekk,  3. og 4. bekk og svo verður 5. – 7. bekkur saman, að hluta til, eins og verið hefur. Kristín Gísladóttir verður með umsjón í yngsta hópnum, ráðinn verður nýr kennari í umsjón miðhópsins og Hafdís Hafsteinsdóttir verður áfram með elsta hópinn. 

Skólanum hefur verið boðið að taka þátt í þróunarverkefni innan Árnessþings sem Ingvar Sigurgeirsson mun stýra. Fengist verður við þróunarverkefni sem munu tengjast teymiskennslu, samvinnunámi, upplýsingatækni og leiðsagnarmati. Helstu nágrannaskólar okkar munu einnig taka þátt í þessu verkefni. Skólanefnd lýsir yfir ánægju sinni með að Þjórsárskóli muni taka þátt í þessu verkefni.

4. Önnur mál.

a) Þjórsárskóli á Facebook?

Nefndarmaður bar það upp fyrir fulltrúa skólans hvort aldrei hafi komið upp sú hugmynd að koma Þjórsárskóla á fésbókina. Gott og skemmtilegt fordæmi höfum við í nágrannaskólum okkar, á Flúðum, í Brautarholti og í Flóanum.  Málið var rætt.

Fundi slitið kl. 16:38

Næsti fundur er fyrirhugaður fimmtudaginn 2. júní 2016, í Leikskólanum Leikholti, kl. 15:30