Skólanefnd

1. Fyrirkomulag funda nefndarinnar.

Vísað er í fundargerð frá 22. sept síðastliðin þar sem skólanefnd leggur upp með að alla jafna verði fundað um grunnskóla- og leikskólamál samhliða, nema málefni gefi tilefni til annars. Fyrirkomulagið verður óbreytt.

2. Starfsáætlun Þjórsárskóla fyrir skólaárið 2022-23.

Starfsáætlun Þjórsárskóla fyrir skólaárið 2022-2023 lögð fyrir og samþykkt.

3. Persónuvernd og birting ljósmynda úr skólastarfi á samfélagsmiðlum.

Þann 31.10´22 bárust tvenn skjöl frá Persónuverndarfulltrúa sveitarfélagsins þar sem farið var yfir myndbirtingar í skólastarfi og birtingu þeirra á samfélagsmiðlum.

Af gefnu tilefni er því lögð áhersla á að engar persónugreinanlegar myndir eða myndskeið séu birtar á samfélagsmiðlum. Skólastjórnendur bera ábyrgð þegar kemur að vinnslu persónuupplýsinga. Formanni skólanefndar falið að gefa út leiðbeinandi reglur um birtingu ljósmynda að höfðu samráði við skólastjórnendur og foreldrafélög.

4. Öryggismál í Þjórsárskóla og Leikholti.

Sendar voru fyrirspurnir á skólastjóra beggja skólanna til að fá upplýsingar um stöðu öryggismála í skólunum. Tilgangurinn með því var að fá góða yfirsýn fyrir skólanefnd á stöðu þeirra í skólunum. Almennt séð eru þau í góðum málum. Sveitarstjóra falið að taka saman yfirlit yfir allar viðbragðsáætlanir og yfirfara hvort þær séu í lagi.

5. Lagfæring á fundargerð frá 22.september síðastliðnum.

Lagfærð fundargerð frá 22.09´22 lögð fram. - (ekki var um efnislega breytingu að ræða)

Formaður skólanefndar minnir á næsta fund sem verður 12.janúar 2023 í Árnesi kl. 17:00.