Sveitarstjórn
Árnes
Árnes, 7 febrúar 2024
Fundanúmer í WorkPoint: F202401-0004
Spurðist oddviti fyrir um hvort athugasemdir væru við fundarboðið, svo reyndist ekki vera.
Mál til afgreiðslu og umfjöllunar:
- Skýrsla sveitarstjóra á 37. sveitarstjórnarfundi
Fundur með formanni verkefnastjórnunar rammaáætlunar.
Búrfellslundur.
Lög um vindorku.
Skattabreytingar orkuvinnslu.
Stjórnsýsluskoðun KPMG.
Félagsheimilið og tjaldsvæðið í Árnesi.
Fundur með sveitarstjórn Hrunamannahrepps.
Flothetta.
Fundur með Rauðukömbum.
Fyrirhugaður vinnufundur sveitarstjórnar um Árnes skipulag.
Gatnagerð í Árnesi.
- Málefni Þjórsárskóla
Farið var yfir stöðu á málefnum Þjórsárskóla. Undirbúningur að framkvæmdum er í fullum gangi. Töluverð undirbúningsvinna hefur verið unnin en mikil vinna er einnig framundan við innleiðingu nýrrar skólastefnu og við undirbúning þess að gera Þjórsárskóla að heildstæðum grunnskóla.
Farið yfir drög að auglýsingu á nýju starfi deildarstjóra á unglingastigi í Þjórsárskóla.
Farið var jafnframt yfir afgreiðslu frá sveitarstjórn Hrunamannahrepps á erindi sveitarstjórnar Skeiða- og Gnúpverjahrepps frá fundi þess síðarnefnda hinn 18. október sl. Í afgreiðslu sinni hafnar sveitarstjórn Hrunamannahrepps ósk sveitarstjórnar um breytingu á núgildandi samningi milli sveitarfélaganna um skólagöngu barna í 8-10 bekk frá og með haustinu 2024 á grundvelli rekstrar- og kennslufræðilegra skilyrða. Jafnframt kemur fram í afgreiðslu sveitarstjórnar að komi til þess að Skeiða- og Gnúpverjahreppur sendi ekki nýjan árgang í 8 bekk Flúðaskóla haustið 2024 fer sveitarstjórn Hrunamannahrepps fram á kostnaðarþátttöku Skeiða- og Gnúpverjahrepps fyrir skólaárið 2024-2025.
Sveitarstjórn Skeiða- og Gnúpverjahrepps felur skólastjóra Þjórsárskóla að auglýsa eftir starfi deildarstjóra á unglingastigi í Þjórsárskóla.
Í ljósi afgreiðslu sveitarstjórnar Hrunamannahrepps felur sveitarstjórn Skeiða- og Gnúpverjahrepps sveitarstjóra að ganga til viðræðna við sveitarstjórn Hrunamanna-hrepps um breytt fyrirkomulag á skólagöngu barna árin 2024-2026.
- Rekstur fjallaskálanna
Afgreiðslu málsins frestað.
- Bréf frá kjörnefnd Lánasjóðs Sveitarfélaga
Lagt fram til kynningar bréf frá kjörnefnd Lánasjóðs Sveitarfélaga. Aðalfundur sjóðsins verður haldinn 14. mars nk. í Hörpu í Reykjavík. Á fundinn fer fyrir hönd sveitarfélagsins Haraldur Þór Jónsson.
- Umsagnarbeiðni v/ ferðaþjónustusvæði við Selhöfða í Þjórsárdal
Lögð fram til staðfestingar umsögn sveitarstjórnar Skeiða- og Gnúpverjahrepps vegna ferðaþjónustusvæðis við Selhöfða í Þjórsárdal.
Sveitarstjórn Skeiða- og Gnúpverjahrepps samþykkir með fjórum atkvæðum framlagða umsögn.
Axel Árnason Njarðvík situr hjá og leggur fram eftirfarandi bókun:
Framkvæmdir og starfsemi sem dregur til sín tugi og hundruð þúsundir gesta hlýtur að hafa margvísleg áhrif á umhverfi og áhrif á svæði langt yfir hið afmarkaða sem um ræðir. Ég tel að mat á umhverfisáhrifum ætti að vera gert.
- Fjárhagur. Yfirdráttarheimild.
Óskað er eftir því að yfirdráttarheimild á reikningi sveitarfélagsins, að fjárhæð 50.000.000 kr., verði framlengd til 12 mánaða. Ónýtt yfirdráttarheimild að fjárhæð 50.000.000 kr. hefur verið á reikningi sveitarfélagsins sl. ár. en hún er hluti af því að viðhalda rúmu sjóðsstreymi í daglegum rekstri.
Sveitarstjórn Skeiða- og Gnúpverjahrepps samþykkir með fimm atkvæðum að óskað verði eftir við lánastofnun að yfirdráttarheimild að fjárhæð 50.000.000 kr. verði framlengd á reikningi sveitarfélagsins til 12 mánaða og að sveitarstjóri og fjármálastjóri stýri upphæð heimildarinnar eftir fjárþörf sveitarfélagsins hverju sinni. Fjármálastjóra falið að ganga frá málinu við lánastofnun.
- Héraðsþing HSK
Lagt fram erindi frá HSK (Héraðssambandi Skarphéðins) þar sem óskað er eftir því að sveitarfélagið greiði fyrir mat nefndarmanna á héraðsþingi HSK sem halda á í Árnesi 14. mars nk. Um er að ræða ca 100-120 manns.
Sveitarstjórn samþykkti á 33. fundi sínum 6. desember sl. styrk til þingsins með því að að greiða fyrir leigu á Félagsheimilinu Árnesi á meðan á þinginu stendur.
Sveitarfélagið veitir ungmennafélögum sínum og öðru menningarstarfi í sveitarfélaginu styrkfjárhæðir á hverju ári í formi húsaleigu.
Sveitarstjórn Skeiða- og Gnúpverjahrepps hafnar erindi HSK með á grundvelli jafnræðissjónarmiða en áréttar styrkveitingu til HSK í formi húsaleigu á degi þingsins.
- Boð á hátíðarfund Vísinda-og rannsóknarsjóðs
Lagt fram til kynningar boð á hátíðarfund Vísinda- og rannsóknarsjóðs Suðurlands sem halda á 15. febrúar nk. í sal Fjölbrautarskóla Suðurlands
- Heimavist við FSU
Lögð fram til kynningar bókun stjórnar SASS tengt heimavist Fjölbrautarskóla Suðurlands, ásamt ályktun um heimavist við Fjölbrautarskóla Suðurlands frá árinu 2019.
Sveitarstjórn Skeiða- og Gnúpverjahrepps tekur undir bókun og áskorun stjórnar SASS um mikilvægi þess að mennta- og barnamálaráðherra beiti sér fyrir því að eyða út þeirri óvissu sem uppi er vegna heimavistar við Fjölbrautaskóla Suðurlands. Það er mikið samfélagslegt hagsmunamál að heimavist sé við skólann til að eyða út óvissu sem ungmennum og fjölskyldum þeirra er boðið upp á og að hægt sé að tryggja jafnrétti til náms á starfssvæði skólans.
- Ársskýrsla seyruverkefnisins 2023
Lögð fram til kynningar ársskýrsla Seyruverkefnisins.
- Bréf til héraðsskjalasafna og sveitarfélaga
Lagt fram til kynningar bréf um móttöku rafrænna gagna á vegum héraðsskjalasafna og stofnun Miðstöðvar héraðsskjalasafna um rafræna skjalavörslu.
- Reglur Bergrisans um stoðþjónustu við fatlað fólk með langvarandi stuðningsþarfir
Lagðar fram til samþykktar uppfærðar reglur um stoðþjónustu við fatlað fólk með langvarandi stuðningsþarfir.
Sveitarstjórn Skeiða- og Gnúpverjahrepps samþykkir með fimm atkvæðum reglur Bergrisans um stoðþjónustu við fatlað fólk með langvarandi stuðningsþarfir.
13. Fundargerð 10. fundar skólanefndar
Lögð fram til kynningar fundargerð 10. fundar skólanefndar Skeiða- og Gnúpverjahrepps.
- Fundargerð skólanefndar Hrunamannahrepps
Lögð fram til kynningar fundargerð 9. fundar skólanefndar Hrunamannahrepps.
- Fundargerð skipulagsnefndar fundar nr. 273.
Árnes; Þéttbýli; Landnotkunarflokkar; Aðalskipulagsbreyting - 2303052
Lögð er fram tillaga aðalskipulagsbreytingar er varðar þéttbýlið í Árnesi eftir kynningu. Breytingin nær yfir vesturhluta þéttbýlisins í Árnesi, þann hluta sem er norðan við Þjórsárdalsveg. Á allra næstu árum sér sveitarfélagið fram á að mikil þörf verði fyrir íbúðarhúsnæði í Árnesi og snýst breytingin um að koma til móts við áætlaða þörf fyrir íbúðarhúsnæði samhliða uppbyggingu á þjónustu sem því fylgir. Þetta kallar á ný svæði fyrir íbúðarbyggð. Fjölgun íbúa kallar á meiri þjónustu og sveigjanleika í landnýtingu, því er hluti svæðisins gerður að miðsvæði með rúmum heimildum fyrir atvinnustarfsemi, þjónustu og íbúðir.
Sveitarstjórn Skeiða- og Gnúpverjahrepps samþykkir með fimm atkvæðum framlagða tillögu að breytingu á aðalskipulagi sveitarfélagsins vegna þéttbýlisins í Árnesi í samræmi við 1. mgr. 36. gr. skipulagslaga nr. 123/2010. Sveitarstjórn samþykkir að tillagan verði auglýst skv. 1. mgr. 31 sömu laga að undangenginni samþykkt Skipulagsstofnunar.
Ásbrekka (L166535); umsókn um byggingarleyfi; íbúðarhús með kjallara og risi - 2104101
Fyrir liggur umsókn Davíðs K. Chatham Pitt fyrir hönd Finns B. Harðarsonar, móttekin 18.04.2021, um byggingarleyfi til að byggja íbúðarhús með kjallara og risi og innbyggðum tvöföldum bílskúr 499,8 m2 á jörðinni Ásbrekka L166535 í Skeiða- og Gnúpverjahreppi.
Sveitarstjórn Skeiða- og Gnúpverjahrepps samþykkir með fimm atkvæðum að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.
Þjórsárdalur Stöng L178333; Stígagerð 3. áfangi; Framkvæmdarleyfi - 2401049
Lögð er fram umsókn um framkvæmdaleyfi sem tekur til lagningar náttúrustígs frá Gjánni að Stöng, þriðji og síðasti áfangi hringleiðar um svæðið í samræmi við deiliskipulag. Stígurinn verður unninn úr staðarefni sambærilegt við stíginn úr 1. áfanga, sjá mynd í meðfylgjandi bréfi. Stígurinn er innan þjóðlendu L223324.
Sveitarstjórn Skeiða- og Gnúpverjahrepps samþykkir með fimm atkvæðum að útgáfa framkvæmdaleyfis verði samþykkt á grundvelli heimilda gildandi deiliskipulags á svæðinu.
- Fundargerð 2. fundar fagnefndar SVÁ
Lögð fram til kynningar fundargerð 2. fundar fagnefndar Skóla- og velferðarþjónustu Árnesþings.
Sveitarstjórn Skeiða- og Gnúpverjahrepps samþykkir með fimm atkvæðum erindisbréf fagnefndar sbr. 1. tl. fundargerðar. Fundargerð að öðru leyti lögð fram til kynningar.
- Fundargerð Brunavarna Árnessýslu
Lögð fram til kynningar fundargerð 16. fundar stjórnar Brunavarna Árnessýslu.
- Fundargerð hússtjórnar Þjóðveldisbæjar
Lögð fram til kynningar fundargerð 7. fundar hússtjórnar Þjóðveldisbæjarins í Þjórsárdal.
- Fundargerðir stjórnar Bergrisans nr. 64, 65, 66, 67, 68 og 69.
Lagðar fram til kynningar fundargerðir 64., 65., 66., 67., 68. og 69 fundar Bergrisans.
- Fundargerð nr. 2 frá samstarfshóps um stjórnunar- og verndaráætlunar fyrir Kerlingarfjöll
Lögð fram til kynningar fundargerð 2. fundar samstarfshóps um stjórnunar og verndaráætlunar fyrir landsverndarsvæðið Kerlingarfjöll.
Fundi slitið kl. 12:50. Næsti fundur sveitarstjórnar ákveðinn miðvikudaginn 21. febrúar, kl. 9.00, í Árnesis, 7 febrúar 2024
Fundanúmer í WorkPoint: F202401-0004
Spurðist oddviti fyrir um hvort athugasemdir væru við fundarboðið, svo reyndist ekki vera.
Mál til afgreiðslu og umfjöllunar: