Hér má lesa  tillögu að matsáætlun Búrfellslundar.

Má lesa hér

Einnig  eru hér lög um mat á umhverfisáhrifum.  Lesa hér.

Frumkvöðladagur Uppsveitanna  verður haldinn fimmtudaginn 12. mars kl. 13:00-17:00.
Dagurinn er haldinn í samstarfi sveitarfélaganna í Uppsveitum Árnessýslu
og markmiðið er að stuðla að nýsköpun og eflingu atvinnutækifæra á svæðinu.

Tæknisvið Uppsveita er sameiginlegt svið fimm sveitarfélaga en þau eru Grímsnes- og Grafningshreppur, Bláskógarbyggð, Hrunamannahreppur, Skeiða- og Gnúpverjahreppur og Flóahreppur.  Verkefni tæknisviðsins eru margvísleg en þar á meðal er unnið að vatns-, hita, og fráveitumálum, gatnagerð, viðhald og nýbyggingar húsa, sorpmálum, vinnslu úrgangs og fleira sem til fellur. Einnig koma starfsmenn sviðsins að afleysingum hjá Skipulags- og byggingafulltrúaembætti Uppsveita.

 “Að sunnan”  á N4    Margrét Blöndal kom í heimsókn í leikskólann  Leikholt í Brautarholti  á Bóndadaginn  og hitti fólkið þar. 

Gleði, vinsemd og virðing ríkti þar  eins og alla aðra daga.

Kíkið á linkinn 

Fyrsti þátturinn  “Að sunnan”  á N4   fer í loftið  miðvikudaginn 21.janúar kl. 18.30

Framundan eru  24 þættir, stútfullir af skemmtilegu og fróðlegu efni af svæðinu og eru Margrét og Sighvatur með ermarnar uppbrettar og tilbúin til að ferðast vítt og breitt um Suðurland í enn frekari efnisleit og tökur .

Aftansöngur var í Stóra-Núpskirkju á gamlársdag 31. desember  kl. 16:30. Sr. Óskar H. Óskarsson, sóknarprestur prédikaði, Kirkjukór Stóra-Núpskirkju söng undir stjórn organistans Þorbjargar  Jóhannsdóttur.  Þetta var síðasta athöfn í kirkjunni þar til á páskadag 5. apríl  2015  þar sem eftir áramótin hefjast viðhaldsframkvæmdir við kirkjuna.

Opið mánudaginn  5. janúar 2015  eins og venjulega frá kl. 09-12  og 13-15 og eftir það alla virka daga opið kl.  09-12 og 13-15 og  föstudaga 09-12.  Starfsfólk skrifstofu Skeiða- og Gnúpverjahrepps óskar íbúum og öðrum viðskiptavinum og samstarfsfólki  farsældar á nýju ári með þökk fyrir árið sem er að líða
 

Oft kemur upp sú staða að fólk vill skoða gamlar vefsíður. Landsbókasafn Íslands heldur ágætlega utanum gamla vefi á vefsíðunni vefsafn.is, en  hér má einmitt fara inn  á gamla vef Skeiða og Gnúpverjahrepps.  Mikið af efni er á gömlu heimasíðunni  sem ekki er inni á nýju síðunni.  En bráðlega mun þó allt efni verða sett inn á nýju vefsíðuna.

Tekið verður við umsóknum um styrki úr Sjóðnum góða í Selinu við Engjaveg  (við hliðina á íþróttavelli) eftirtalda daga: Þriðjudaginn 2. des. frá kl. 10-14. Miðvikudagur 3. des frá kl. 10-14.Prestar í Árnessýslu, utan Selfoss, taka einnig við umsóknum og koma áfram til Sjóðsins. Umsækjendur þurfa að leggja fram gögn um mánaðarlegar tekjur (vinnulaun, tekjur frá TR, fæðingarorlof, barnabætur, atvinnuleysisbætur) og gjöld (leiga/afborgun af húsnæði, rafmagn og hiti, sími og net, útgjöld v. barna, bíll, tryggingar...).  Úthlutað verður úr sjóðnum  18 og 19 desember. Sjóðurinn góði.

Þjórsárskóli fékk í dag 25. nóvember Grænfánann afhentan í sjötta sinn. Það er viðurkenning sem Landvernd veitir fyrir góða frammistöðu í umhverfisvernd. Samhliða því var undirritaður samningur milli skólans og  Skógræktar ríksins um samstarf til næstu þriggja ára. Af þessu tilefni héldu nemendur og starfsfólk skólans hátíð.  Skólar á grænni grein eða  Grænfánaverkefnið er alþjóðlegt verkefni sem hefur þann tilgang að auka umhverfismennt nemenda og styrkja umhverfisstefnu í skólum landsins. Verkefninu er stýrt hér á landi af Landvernd. Þegar skólar hafa uppfyllt viss skilyrði er þeim heimilt að flagga Grænfánanum í tvö ár eftir það. Ef skólar viðhalda góðu starfi á sviði umhverfismála áfram fá þeir endurnýjað leyfi til að flagga fánanum. Víða í Evrópu er Grænfáninn virtur sem tákn um umhverfisstefnu og árangursríka fræðslu á því sviði.