Brúnn graðhestur 2- 4 vetra gamall ómerktur og ómarkaður var handsamaður 1 ágúst sl í Steinsholti. Hrossið er í vörslu Björns Jónssonar að Vorsabæ 2. Þeir sem kannast við lýsinguna á hrossinu, er bent á að hafa samband við Björn í síma 861-9634 eða sveitarstjóra í síma 486-6113.
Rauðjarpt mertrippi 2-3 vetra gamalt ómerkt og ómarkað fannst 16. júlí sl. í Þjórsárdal. Hrossið er í vörslu Bjarna Mássonar í Háholti.
Nú hefur Fréttabréf ágústmánaðar litið dagsins ljós eftir sumarfríið og heilmikið að LESA HÉR Á bls. 2 eru auglýsingar frá Afréttarmálafélögunum, bls. 6 Nýja heimasíðan, bls.7 Framkvæmd kosninga um nýtt nafn bls.8 Frá umhverfisnefnd bls. 9 Hrunaprestakall, messuplan bls. 12 & 13 aðsendar greinar bls.14. 17. fundargerð sveitarsjórnar og margt fleira.
Auglýst er eftir umsjónarmanni Skólasels Flúðaskóla Vinnutími er eftir að skóla lýkur til kl 16:15 frá mánudegi til fimmtudags.
Viðkomandi þarf að: · Vera jákvæður ·vera sjálfstæður í vinnubrögðum ·hafa gaman af því að starfa með börnum.
Starfshlutfall 30 – 60 % eftir samkomulagi. Íslenskukunnátta áskilin.
Uppsveitahringurinn verður haldinn í Reykholti laugardaginn 15. ágúst. Þátttakendur verða ræstir sem hér segir: Kl. 10.00 - 46 km keppnishjólreiðahópur leggur af stað og endar í Reykholti Kl. 10:30 - 10 km keppnishlauparar leggja af stað frá Flúðum og enda í Reykholti Kl. 10:30 - 10 km hjólreiðahópur leggur af stað frá Flúðum og endar í Reykholti Kl. 13:00 - Krakkahlaup á íþróttavellinum 400 metrar Kl. 13:30—Verðlaunaafhending og frábær skemmtidagskrá—Tvær úr Tungunum.
Nú lítur dagsins ljós nýr vefur sveitarfélagsins. www.skeidgnup.is Markmiðið með honum er að gefa notendum greinargóðar upplýsingar um starfsemi sveitarfélagsins og ýmsan fróðleik.
17. fundur í sveitarstjórn Skeiða-og Gnúpverjahrepps í Árnesi - Fundargerð
Dagskrá:
Mál til umfjöllunar :
Hvammsvirkjun. Umhverfismat-framkvæmdaleyfi.
Fasteignamat á vindmyllum
Framkvæmdir við Bugðugerði / Hamragerði
Svona rétt til að minna okkur á, þá nær Íslenska gámafélagið í rúlluplastið í efri hluta sveitarfélagsins - Gnúpverjahrepp, þann 6. ágúst og neðri hlutann, Skeiðin þann 13. ágúst n.k. Gott er ef um mikið magn er að ræða ef bændur hefðu tiltæk tæki til þess að aðstoða bílstjórann við að koma því á bílinn.
Álagningarskrá einstaklinga um opinber gjöld 2015 mun liggja frammi á skrifstofu sveitarfélgasins þegar opnað verður eftir sumarfrí þann 04. ágúst n.k. og er hún til skoðunar á skrifstofunni til 07. ágúst lögum samkvæmt. Álagningar og innheimtuseðlar eru aðgengilegir á þjónustuvef ríkisskattstjóra rsk.is og skattur.is
Afrétturinn opnar 10. júlí til upprekstrar. Æskilegt er að flutningur fjárins fari fram á fleiri en færri dögum svo það nái að dreifa sér um afréttinn en bunkist ekki á lítið svæði fyrstu dagana. Heilmikið hefur gerst í gróðurfarinu síðustu daga. Gróður er orðinn prýðilegur í Skúmstungum og á fremsta hluta afréttarins. Er hærra dregur er gróður mun minni og er t.d. Starkaðsverið rétt að byrja að taka við sér. Snjór er víða í giljum og slökkum þegar hærra dregur og er m.a. vænn skafl yfir veginn innst á Langöldu og annar minni við Blautukvísl. Ekki hefur enn verið farið innar á afréttinn til að kanna aðstæður.
