Á fundi sveitarstjórnar í mars sl. var ákveðið að hætta að bora fyrir svokölluðum Hörputurnum fyrir lífrænt sorp, þar sem aðferðin telst ekki lengur sem viðurkennd jarðgerð á lífrænum úrgangi. Til stóð að vinna að lausn innan sveitar í samvinu við Skaftholt, en því miður gekk sú lausn ekki upp. Hægt og illa hefur svo gengið að finna aðra lausn á málinu þó ýmsar hugmyndir séu uppi.

Samkvæmt 30. gr. skipulagslaga nr. 123/2010 eru kynntar tillögur aðalskipulagsbreytinga vegna eftirfarandi skipulagsáætlana:

Sveitarstjórn Skeiða- og Gnúpverjahrepps samþykkti á fundi sínum þann 10. ágúst 2021 að auglýsa tillögu að breytingu á aðalskipulagi Skeiða- og Gnúpverjahrepps 2017 – 2029. Í breytingunni felst að skilgreint er nýtt íbúðarsvæði sem verður um 12 ha fyrir 8 lóðir auk þess sem frístundasvæði F42 stækkar sem nemur um 3 ha með möguleika á 4 lóðum til viðbótar

Það er með öllu óheimilt að vera með hunda inni á leiksvæði leikskólans í Brautarholti. 

Kvartanir hafa borist vegna hundaeigenda sem fara inn á leiksvæðið með hundana sína þar sem þeim er jafnvel sleppt lausum. 

Vinsamlegast virðið það að þetta er leiksvæði barna og starfssvæði leiksskólanns í Brautarholti.

Elin Moqvist á Húsatóftum hefur undanfarið boðið uppá svokallað sprikl í Brautarholti -almenna líkamsræktar tíma sem ættu að henta öllum. Framundan eru nokkur ný námskeið og má sjá tímasetningar á þeim hér fyrir neðan:

     - Þriðjudaginn 5. október og fimmtudaginn 7. október verða prufutímar í sprikli í boði fyrir karla – unga sem aldna . Tíminn byrjar kl. 20.10 – 21.00 og verður í salnum í Brautarholti.

Eyþór sundlaugarvörður vill minna á að sundleikfimi eldri borgara byrjar í Skeiðalaug í dag kl. 16.30 - hvetjum alla eldri borgara í Skeiða- og Gnúpverjahrepp til að mæta.

Um er að ræða 70% starfshlutfall. Æskilegt er að viðkomandi geti hafið störf sem fyrst.

Laun samkvæmt kjarasamningi launanefndar sveitarfélaga og Bárunnar. Umsóknarfrestur er til og með 12. október.

Upplýsingar veitir Jóhanna Lilja Arnardóttir skólastjóri, johannalilja@fludaskoli.is.

Kvenfélag Skeiðahrepps færði leikskólanum Leikholti eldstæði og fullt af fylgihlutum að gjöf þann 8. september sl.

Nú verður leikur einn hjá þeim að njóta enn frekar útiveru og skemmtilegra stunda þar sem hægt er að kveikja eld og baka lummur, poppa, hita kakó eða elda hádegismatinn úti. Meðfylgjandi eru myndir af krökkunum í Leikholti að prufa eldhúsið.

Opnað hefur verið fyrir umsóknir í Uppbyggingarsjóð Suðurlands, um er að ræða haustúthlutun 2021. Sjóðurinn hefur það hlutverk að veita verkefnastyrki á sviði atvinnuþróunar og nýsköpunar og menningar á Suðurlandi. Í flokki atvinnuþróunar og nýsköpunar eru það atvinnuskapandi og/eða framleiðniaukandi verkefni sem eiga kost á stuðningi ásamt nýsköpunarverkefnum sem efla fjölbreytileyka atvinnulífs. Í flokki menningar er markmið að verkefni efli menningarstarfsemi og listsköpun á Suðurlandi.

- Pistill sveitarstjóra úr Gauknum -

Á fundi sveitarstjórnar 11. ágúst sl. var tekinn fyrir úrskurður Samgöngu- og sveitarstjórnaráðuneytisins vegna álagningar gatnagerðargjalda í Skeiða- og Gnúpverjahreppi.

Mig langar aðeins til að útskýra í stuttu máli hvað fólst í úrskurðinum og þá niðurstöðu sem sveitarstjórn komst að.