Boðað er til 53. fundar sveitarstjórnar Skeiða- og Gnúpverjahrepps í Árnesi 13. janúar 2021
Dagskrá
Mál til umfjöllunar og afgreiðslu:
1. Trúnaðarmál
2. Leikholt- ráðstafanir vegna myglu
3. Þjónusta í leikholti
Skrifstofa Skeiða- og Gnúpverjahrepps verður lokuð föstudaginn 26. febrúar v. styttingu vinnuvikunnar.
Listahátíð í Reykjavík, með stuðningi frá Mennta- og menningarmálaráðuneyti, býður upp á aðra útgáfu af hinu vel heppnaða verkefni Listagjöf – að þessu sinni um land allt! Frá og með hádegi næstkomandi mánudag, 14. desember, mun almenningur getað pantað Listagjöf fyrir ástvini á sérhönnuðu vefsvæði listagjof.listahatid.is. Gjöfin er án endurgjalds en takmarkast við eina pöntun á mann. Listagjafirnar verða sem fyrr segir nú í boði um land allt. Allt að 750 gjafir verða í boði og verða þær afhentar helgina 19.-20. desember. Hver listagjöf er um það bil fimm til tíu mínútna flutningur á tónlist, dansi eða ljóðalestri frá mörgu af okkar allra besta listafólki. Sá eða sú sem bókar gjöfina sér til þess að viðtakandinn verði heima þegar gjöfin verður afhent og tekur að auki á móti listamanninum. Flutningurinn fer svo fram í öruggri covid-fjarlægð frá þiggjanda gjafarinnar, utandyra ef þess er nokkur kostur eða annars staðar þar sem hægt er að tryggja örugga fjarlægð.
Laust er til umsóknar starf sálfræðings hjá Skóla- og velferðarþjónustu Árnesþings. Um er að ræða 100% stöðu frá 1. mars 2021 eða eftir samkomulagi. Hjá Skóla- og velferðarþjónustu Árnesþings starfar öflug liðsheild sérfræðinga sem vinnur í þverfaglegu samstarfi um málefni einstaklinga og hópa. Sjö sveitarfélög reka Skóla- og velferðarþjónustuna sem hefur starfsstöð í Hveragerði. Á svæðinu eru sjö leikskólar, sex grunnskólar og tveir leik- og grunnskólar.
Umhverfisstofnun vill vekja athygli á árlegu landvarðanámskeiði. Stofnunin leggur mikla áherslu á það að fá landverði til starfa úr héraði, en til þess að það sé hægt þarf sá aðili að vera búin að taka landvarðanámskeið.
Búast má við rafmgnsleysi í hluta Bláskógabyggðar, Hrunamannahrepps og Skeiða- og Gnúpverjahrepps 10.12.2020 frá kl 00:00 til kl 02:00 vegna vinnu í aðveitustöð Flúðum. Mögulega kemur rafmagn á í stuttan tíma undir lok straumleysis vegna prófunar Nánari upplýsingar veitir Svæðisvakt RARIK Suðurlandi í síma 528 9890 og kort af svæðinu má sjá á www.rarik.is/rof.
Skeiða- og Gnúpverjahreppur auglýsir til leigu rekstur félagsheimilisins Árness frá og með vori 2021. Um er að ræða leigu á félagsheimilinu Árnesi og því sem fylgir. Í húsinu er framleiðslueldhús og salarkynni fyrir veitingarekstur sem rúmar allt að 360 manns. Umsóknum skal skila eigi síðar en 8. desember 2020 á netfangið kristofer@skeidgnup.is eða í lokuðu umslagi merkt Árnes 2021. Nánari upplýsingar veitir Kristófer Tómasson sveitarstjóri. Sími 486-6100. netfang: kristofer@skeidgnup.is
Hrönn Jónsdóttir hóf störf sem fulltrúi á skrifstofu Skeiða- og Gnúpverjahrepps 1. nóvember síðastliðinn. Helstu verkefni Hrannar eru skjalavarsla, greiðsla reikninga, upplýsingagjöf, símsvörun og annað tilfallandi. Hrönn mun setjast í stól Kristjönu H. Gestsdóttur sem mun láta af störfum á næstunni eftir farsæl störf fyrir sveitarfélagið um árabil. Hrönn hefur lokið BSc. námi í ferðamálafræði og hefur auk þess stundað nám í Búvísindum við Landbúnaðarháskóla Íslands. Hrönn er ýmsum störfum vön og hefur síðastliðin ár verið verslunarstjóri Fóðurblöndunnar á Selfossi. Um tíma var Hrönn framkvæmdastjóri Ungmennasambands Borgarfjarðar. Auk þess hefur hún meðal annars starfað í ferðaþjónustu, tómstundastarfi með ungmennum, stundakennslu, fiskverkun og í sláturhúsi. Hrönn er gift Gylfa Sigríðarsyni bónda og eiga þau saman tvö ung börn, þau stunda sauðfjárbúskap í Háholti. Við væntum góðs af störfum Hrannar og bjóðum hana velkomna til starfa.
51. sveitarstjórnarfundur- Fundarboð Boðað er til fundar í sveitarstjórn Skeiða og Gnúpverjahrepps í Árnesi eða í Teams fjarfundabúnaði ef þörf gerist. 25 nóvember, 2020 klukkan 16:00.
Dagskrá: