Fréttir

Læknarnir í Uppsveitum Árnessýslu til meira en 30 ára, þeir Gylfi Haraldsson og Pétur Skarphéðinsson hafa nú látið af störfum. Þeir hafa verið einstaklega farsælir í sínum störfum og hlúð að heilsufari íbúanna með miklum sóma. Það má því ekki minna vera en þeir verði heiðraðir með kveðjuhófi. Hófið verður haldið fimmtudaginn 12 janúar nk. í Aratungu með fjölbreyttri dagskrá og kaffiveitingum og hefst það kl 19:00. Veislustjóri verður Halldór Páll Halldórsson rektor Menntaskólans á Laugarvatni. Við vonumst til að íbúar í læknishéraðinu sjái sér fært að mæta.

Þessi hryssa er ca 10 vetra, ekki verið á járnum í sumar og  mjög spök. Hefur verið í högum Reykja um þó nokkurn tíma. Hún gæti hafa verið fædd  brún, þar sem aðeins vottar fyrir litnum í faxi og tagli og hún er frekar nett.  Eigandinn er góðfúslega beðinn um að vitja hennar og getur hringt í síma 486-6100 og fengið nánari upplýsingar. 

Sjálfur Lögreglustjórinn á Suðurlandi Kjartan Þorkelsson heimsótti sveitarstjórn Skeiða- og Gnúpverjahrepps  miðvikudaginn 4 janúar. Með honum í för var Oddur Árnason yfirlögregluþjónn á Suðurlandi og Víðir Reynisson verkefnastjóri í Almannavörnum á Suðurlandi. Þeir félagar munu sækja allar sveitarstjórnir á Suðurlandi í á yfirstandandi vetri. Þeir greindu frá helstu verkefnum. Meðal annars  var rætt um umferðareftirlit og átak gegn heimilisofbeldi. Komið var inn á skyldur sveitarstjórnarmanna samkvæmt Almannavarnarlögum.

30. desember opið  10—12   - 02. janúar 2017 opið eins og venjulega kl. 09—12 og 13—15.  Opnunartímar skrifstofu eru mánudaga - fimmtudaga kl. 09 - 12 og 13 - 15 föstudaga kl. 09 - 12. Gleðilegt nýtt ár með þökkum fyrir það sem er að líða. Starfsfólk skrifstofu.

Skeiða- og Gnúpverjahreppur óskar eftir matráði sem fyrst í mötuneyti grunn- og leikskóla. Um tímabundna afleysingu er að ræða vegna veikindaforfalla. Nánari upplýsingar veitir Kristófer Tómasson sveitarstjóri sími 486-6100 og 861-7150. Netfang : kristofer@skeidgnup.is

Skeiða- og Gnúpverjahreppur óskar eftir tilboðum í Útleigu á félagsheimilinu Árnesi, tjaldsvæði við Árnes ásamt rekstri mötuneytis fyrir skóla og  grunnskóla sveitarfélagsins samkvæmt meðfylgjandi gögnum og öðrum þeim gögnum sem vísað er til.

1.      Kynning útboðs. Útboð þetta  er auglýst á heimsíðu sveitarfélagsins, í héraðsblöðum og Morgunblaðinu á tímabilinu 17- 31 desember 2016.

Jæja, þá er síðasta Fréttabréf Skeiða- og Gnúpverjahrepps ársins 2016 komið út - lesa hér.    Bendi á auglýsingu um kveðjuhóf til heiðurs þeim Gylfa og Pétri lækna okkar í Laugarási til  fjölda ára á bls. 4 - Opnunartímar skrifstofu og auglýsing um þrettándabrennu  á bls. 5 - Pistill sveitarstjóa bls.6  - Jólaball og Ný lög um húsaleigubætur á bls. 7 - Helgihald um jól  bls 15. - og   36. fundargerð sveitarstjórnar á  bls. 16 og fleira og fleira.

Leikskólinn Leikholt óskar eftir að ráða leikskólakennara í 82,5% stöðu. Æskilegt er að viðkomandi geti hafið störf  9. janúar eða eftir samkomulagi.  Leitað er að metnaðarfullum einstaklingi sem er tilbúinn til að taka þátt og leiða áfram gott faglegt starf í skólanum.

Menntun og hæfniskröfur:

Meginverkefni:

Jólabaðið  á Aðfangadag í Neslaug kl. 10:00 -14:00 ! Þá er frítt í sund,  boðið upp á kaffi, djús og piparkökur!  Tilvalið tækifæri til að minnka biðraðir á baðherbergið heima fyrir.  Vonast til að sjá sem flesta.  -  Svo koma jólin!

Skeiðalaug verður lokuð annan í jólum,  26. desember. Neslaug  opin 31. desember 10:00– 13:00

Boðað er til 36. fundar í sveitarstjórn Skeiða-og Gnúpverjahrepps í Árnesi miðvikudaginn 7. desember 2016  kl. 14:00.

Dagskrá:  - Mál til afgreiðslu og umfjöllunar :

1.     Gjaldskrá Skeiða- og Gnúpverjahrepps 2017. Síðari umræða.

2.     Álagningarhlutfall Útsvars- og fasteignagjalda í Skeiða- og Gnúpverjahreppi 2017. Síðari umræða.