Fréttir

Vissir þú að:  Ekki má henda: tannþræði, lyfjum, blautþurrkum, smokkum, dömubindum, tyggjói, hári, bleyjum, gullfiskum, kreditkortum, leikföngum eða öðru rusli í klósettið.   Í Uppsveitum Árnessýslu er rotþró við hvert hús eða hús tengd skolpkerfi sem svo tengist við hreinsistöð sem safnar seyrunni. Sorpið sem fer í klósettið fer sömu leið og safnast þar saman og fer síðan beina leið í skólphreinsibílana sem safna saman seyrunni. Sveitarfélögin í Uppsveitum Árnessýslu hafa sameinast um að nýta seyruna sem safnast saman til uppgræðslu á afgirtum afrétti, en þetta er gert í samvinnu við Landgræðslu ríkisins og hefur þegar gefið góða raun.  Vandinn við þetta er allt sorpið sem berst með og sérstaklega blautþurrkurnar sem notaðar eru til þrifa og ýmissa annarra verka. Aðeins næst að hreinsa hluta af þessu rusli frá seyrunni og fer því hluti af ruslinu alla leið í gegn.  Vegna þessa má líkja því að henda sorpi í klósettið við það að henda því á víðavangi!!  Með kveðju. Tæknisvið Uppsveita Árnessýslu.

Í dag, þann 20. október  er síðasti dagur til þess að skila inn tillögu að nýju nafni á sveitarfélagið. Koma má með tillögur á skrifstofu í Árnesi  til kl. 16:00 og ef tillaga  er send með Íslandspósti  miðast móttaka við stimpil á umslagi.   Einnig mun sveitarstjóri taka við tillögum eftir lokun skrifstofu til kl. 22:00 í kvöld og má þá hafa samband við hann í  síma 861-7150. 

Á opnunartíma skrifstofu sveitarfélagsins í Árnesi  frá kl. 09-12 og 13-15 mánudaga - fimmtudaga og föstudaga kl. 09 12  liggur frammi skýrsla um mat a umhverfisáhrifum Búrfellslundar. Skýrsluna er hægt að lesa þar.

Flúðaskóli auglýsir eftir enskukennara í 50 % starf í 6 vikur frá og með 19. október 2015. Um er að ræða 10 kennslustundir í ensku á yngsta – og miðstigi og 3 kennslustundir stuðningskennsla. Nánari upplýsingar veitir Guðrún Pétursdóttir skólastjóri í síma 480 6610 eða í tölvupósti gudrunp@fludaskoli.is

Leikskólinn Leikholt óskar eftir að ráða leikskólakennara frá og með 1. nóvember 2015. Leitað er að metnaðarfullum einstaklingi sem er tilbúinn til að taka þátt og leiða áfram gott faglegt starf í skólanum.

Menntun og hæfniskröfur:

Kaldavatnslaust var í Árnesveitu vegna bilunar í dælu en er nú komið að mestu aftur.

Viðgerð  er lokið  í bili og   beðist er velvirðingar á þeim óþægindum  er af þessu hlutust en einhverjir mega þó enn búa við lélegan þrýsting  en vonandi verður það þó ekki mjög lengi en gæti orðið fram á morgundaginn. 

Leikskólinn Leikholt óskar eftir að ráða leikskólakennara frá og með 1. nóvember 2015. Leitað er að metnaðarfullum einstaklingi sem er tilbúinn til að taka þátt og leiða áfram gott faglegt starf í skólanum.

Menntun og hæfniskröfur:

Meginverkefni:

Frekari upplýsingar veitir Elín Anna Lárusdóttir, sími 486-5586/895-2995 og áhugasamir geta sent umsóknir á netfangið leikskoli@skeidgnup.is.

Skrifstofa sveitarfélagsins í Árnesi  verður lokuð dagana 24. -25 september  n.k. ( fimmtudag og föstudag.) vegna fjármálaráðstefnu sveitarfélganna sem haldin er í Reykjavík. Starfsfólk skrifstofunnar sækir þá ráðstefnu. Sími í Áhaldahúsinu er 893-4426  eða 486-6118.  Ef erindi eru brýn er hægt að senda tölvupóst á kristofer@skeidgnup.is eða hringja í síma 861-7150. Einnig geymir heimasíðan www.skeidgnup.is upplýsingar um sveitarfélagið.

Almennur smaladagur þann 26. september  og skilare´tt í Skaftholtsréttum 27. sept. kl. 10:00

Landeigendur eru minntir á 40. grein fjallskilasamþykktar sem áður var grein 41 í eldri samþykktinni,  þar segir m.a.“Hverjum bónda ber að hreinsa vel heimalönd sín af öllum óskilum við hverja almenningssmölun og halda öllu fé annarra sem best til skila”.  Sjá má fjallskilareglugerð í markaskrá, og eru landeigendur hvattir til að kynna sér hana.

Dagana 10., 11. september verða óhjákvæmilegar tafir á umferð á vegi nr. 32  Þjórsárdalsvegi og  12. sept.  á vegi nr. 30  Skeiðavegi.  Fimmtudaginn 10. sept.  frá kl. 13 - 16 verða þeir sem eru að koma frá Búrfelli og ofar að vera á eftir fjárrekstri frá Fossárbrú og að Ásólfsstöðum en komast þá framhjá  frá  ca kl. 16– 18:30 en úr því er engan veginn hægt að fara fram úr  fyrr en við Fossnes um kl. 21:00. (Hjáleið er þó fær niður Landsveit með því  að fara yfir Þjórsá við Sultartanga.) 11. sept. Skaftholtsréttir.  Vegur lokaður frá Fossnesi að Skaftholtsréttum frá kl. 07:30 —12  ( hjáleið fær um Löngudælaholt, gamla þjóðveginn.) Kl. 16—20 lokaður vegur frá Árnesi að Reykjaréttum en tafir ef ekið er frá Reykjaréttum  í Árnes. Hjáleið Landsveit um Þjórsárbrú við Sultartanga.  12. sept. Reykjaréttir.  Tafir geta orðið á  vegi nr. 30 Skeiðavegi frá kl. 13 og eitthvað fram eftir degi vegna fjárrekstra bænda úr Reykjaréttum.