“Þessa dagana fer fram stór varnaræfing á vegum NATO sem fram fer að mestu leyti í Noregi. Undanfarna daga hafa bandarískir hermenn verið með undirbúningsæfingar á Íslandi, þó aðallega á Reykjanesi og við Keflavíkurflugvöll. Á morgun föstudag og laugardag munu hópar bandarískra hermanna vera með gönguæfingar í Þjórsárdal. Hermenn þessir verða klæddir í hermannafatnað og bera vopn, óhlaðin, en engin skotfæri eru leyfð á þessari æfingu. Tilgangurinn er að undirbúa þetta fólk til veru í slæmu veðri kanna þolmörk þess í göngu með þungan búnað. Ekki hafa verið settar upp lokanir vegna þessa og ekki gert ráð fyrir því að þetta trufli umferð að neinu leyti eða valdi neinu raski. Lögreglan á Suðurlandi, ásamt sérsveit Ríkislögreglustjóra verða með gæslu á svæðinu og þessu fólki til aðstoðar. “

Nú er Fréttabréfið komið út LESA HÉR og ýmislegt að venju þar,  fréttir og auglýsingar. Á forsíðu er frétt um hinn merka fund í Þjórsárdal þar sem nýjar rústir af býli fundust og hefur býlið verið nefnt Bergsstaðir  til heiðurs finnandanum, Bergi Þór Björnssyni frá Skriðufelli.

Fundist hefur áður óþekkt bæjarstæði í Þjórsárdal. Það var heimamaðurinn Bergur Þór Björnsson frá Skriðufelli sem fann bæjarstæðið. Fornleifafræðingar fóru á vettvang síðastliðinn föstudag og báru kennsl á nokkra merka forngripi í lausum jarðvegi. Þar er einna mætastur þórshamar úr sansdsteini,  má leiða að því líkum hann hafi verið borinn um háls einstaklings fyrir 1.000 árum eða svo. Gefur það til kynna að þar hafi farið einstaklingur sem ekki var kristinnar trúar. Ekki hefur áður fundist þórshamar úr steini hér á landi. Auk þess fundust sylgja, alur og heinarbrýni. Meðal fronleifafræðinganna er Ragnheiður Gló Gylfadóttir sem hefur að undanförnu unnið að fornleifaskráningu fyrir sveitarfélagið. Að hennar sögn er um stórmerkilegan fund að ræða. Mikill áhugi sé á að kanna bæjarstæðið nánar. Bærinn hefur verið skírður Bergsstaðir í höfuð finnandans.

Nú eru göturnar Hamragerði og Heiðargerði í Árneshverfi að klæðast nýjum búningi. Þær eru að fá malbik. Þetta flokkast undir framfarir.

Skrifstofa sveitarfélgasins í Árnesi verður lokuð dagana 11. - 12. október, fimmtudag og föstudag vegna fjármálaráðstefnu sveitarfélaganna sem starfsmenn sækja. Ef erindi eru brýn er hægt að senda póst á kristofer(hjá)skeidgnup.is eða hringja í hann í síma 861-7150. Hægt er einnig að hafa samband við Áhaldahúsið í síma 893-4426. Opið svo eins og venjulega á mánudaginn 15. október. 09- 12 og 13 - 15.

Rafmagnslaust verður í Gnúpverjahreppi frá Hæl að Haga á morgun, 10.10.2018 frá kl 13.00 til kl 16.00 vegna vinnu við háspennu.

Mögulega kemur rafmagn á í stuttan tíma undir lok straumleysis vegna prófunar. Sjá kort af svæði á www.rarik.is Nánari upplýsingar veitir Svæðisvakt RARIK Suðurlandi í síma 528 9890.

Ágætu íbúar. Nú er verið að bora nýjar holur, fyrir lífrænan úrgang hjá þeim sem það þurfa hér í sveitarfélaginu. Látið okkur vita  ef að þið þurfið að slíkri þjónustu að halda þar sem þetta er síðasta yfirferð fyrir veturinn!  Hafið samband beint við Ara í Áhaldahúsinu ari@skeidgnup.is eða sendið honum sms eða hringið í síma 893-4426.

Boðað er til fundar í sveitarstjórn Skeiða-og Gnúpverjahrepps í Árnesi miðvikudaginn 3. október 2018  kl. 09:00.  Dagskrá:

               Mál til umfjöllunar og afgreiðslu :

                  Fundargerðir

                   Styrkir-samningar-fundarboð

Truflanir verða á rafmagni í Brautarholti í dag 3. október á milli kl.8 og 16 vegna tengivinnu. Nánari upplýsingar veitir Svæðisvakt RARIK Suðurlandi í síma 528 9890.

Íþróttavika Evrópu 23. - 30. september 2018. Markmið Íþróttaviku Evrópu er að kynna íþróttir og almenna hreyfingu um alla Evrópu og sporna við auknu hreyfingarleysi meðal almennings. Íþrótta- og Ólympíusamband Íslands sér um að halda utan um verkefnið hérlendis og er þetta í fyrsta skipti sem sérstakur BeActive dagur er haldinn hátíðlegur. Ljóst er að þessi skemmtilegi dagur er kominn til að vera. Íþróttavika Evrópu er nú í fullum gangi og vefsíða verkefnisins er www.beactive.is og Facebook síðuna má finna hér.