Skráning hér

Nánari upplýsingar um Uppbyggingarsjóðinn má sjá hér

Umsóknarfrestur í Uppbyggingarsjóð er til og með 27. september nk.

Fréttabréf september er komið út og hægt að lesa hér  Skemmtilegar greinar, og fréttir, uppsrkriftirnar á sínum stað  og margt fleira. Minni á umsóknarfrestinn í Uppbyggingarsjóð  Suðurlands  sem er til og með 27. september, bls. 17   og kynningarfundur á  Flúðum um Uppbyggingarsjóðinn og handleiðsla um umsóknarformið...  bls. 25

     Lagt verður upp í Sandleit miðvikudaginn 7.   sept. og eftirsafn  laugardaginn. 24. september. Fjalldrottning verður Lilja Loftsdóttir og  foringi í Eftirsafni,  Bjarni Másson. Fjallskilasjóður sér fyrir mat og heyi  í        allar leitir. Réttardagurinn í Skaftholtsrétum er föstudagur 16. september og verður safnið rekið inn kl. 11.00.

Góðfúslega skilið efni í dag inn fyrir Fréttabréfið. Réttirnar á næsta leiti og haustið framundan sem byrjar vægast sagt vel hvað veðrið varðar, eftir gjöfult sumar. kidda@skeidgnup.is er netfangið.

Bláskógabyggð, Grímsnes-og Grafningshreppi, Hrunamannahreppi, Skeiða-og Gnúpverjahreppi, Flóahreppi og Ásahreppi

Aðalskipulagsmál

Samkvæmt 1. mgr. 30. gr. skipulagslaga nr. 123/2010 er hér kynnt lýsing fyrir eftirfarandi aðalskipulagsbreytingu: 

Nú styttist í skólabyrjun og mörg spennandi verkefni eru framundan hjá Þjórsárskóla. Nú í ágúst tóku kennarar þátt í tveggja daga námskeiði, sem sett var af stað af Skólaþjónustu Árnesþings. Verkefnið verður í gangi í allan vetur og markmiðið með því er að efla teymiskennslu og auka fjölbreytni í kennsluháttum þannig að nám verði sem mest við hæfi hvers og eins.

Viðhorfskönnun um áhrif Hvammsvirkjunar á landslag og ásýnd að ljúka.  Í samræmi við ákvörðun Skipulagsstofnunar um að endurskoða skuli umhverfismat virkjunarinnar hvað varðar áhrif á landslag og ásýnd lands og áhrif á ferðaþjónustu og útivist var farið í viðbótarrannsóknir um viðhorf íbúa og sumarhúsaeigenda vegna þessara umhverfisþátta.  Dagana 13. til 15.júlí og 20.júlí var könnun framkvæmd og var hún gerð innan  5 km radíus frá framkvæmdarsvæði. Tveir starfsmenn frá EFLU verkfræðistofu heimsóttu bæi og bústaði innan þessa fyrirfram skilgreinda svæðis, útskýrðu könnunina og skildu eftir spurningalista, kort og önnur nauðsynleg gögn ásamt frímerktum umslögum.

Fréttabréfið er komið út og margt er að lesa hér  Það kemur í hús í fyrramálið. Vil vekja athygli á bls 12 en þar er pistill frá þeim Birtu og Láru starfsmönnum Eflu en þær  biðja fólk að svara könnun þeirri er komið var með í hús dagana 13., 15. og 20. júlí. s.l.um áhrif Hvammsvirkjunar á landslag og ásýnd.

Skeiða – og Gnúpverjahreppur óskar eftir tilboðum í leigu á fjallaskálanum í Hólaskógi á Gnúpverjaafrétti. Leigutími 5 ár. Um er að ræða tveggja hæða hús í góðu ástandi, byggt úr timbri árið 1998. Gistirými er fyrir allt að 60 manns. Flatarmál hússins er samtals 268,6 fermetrar eða 856 rúmmetrar. Það stendur á 2.500 fermetra lóð. Húsið verður til sýnis eftir samkomulagi við sveitarstjóra. Tilboðum skal skila í lokuðu umslagi á skrifstofu Skeiða- og Gnúpverjahrepps, merkt Hólaskógur leiga fyrir 30 ágúst  nk. Gögn vegna málsins sem og nánari upplýsingar afhendir/veitir Kristófer Tómasson sveitarstjóri Skeiða- og Gnúpverjahrepps í síma 486-6100 eða 861-7150 netfang kristofer@skeidgnup.is   

Stuðningsfulltrúi óskast í 80 % tímabundið starf í Þjórsárskóla í Skeiða- og Gnúpverjahreppi. Viðkomandi þarf helst að hefja störf  22 ágúst nk. Nánari upplýsingar um starfið veitir: Bolette Höeg Koch skólastjóri sími 486-6000 og 895-9660 netfang bolette@thjorsarskoli.is Umsóknarfrestur er til 19. ágúst næstkomandi.