Hér gefur að líta umfjöllum Egils Helgasonar í Kiljunni um þá nágranna í Skeiða- og Gnúpverjahreppi sr. Valdimar Briem á Stóra-Núpi og Brynjúlfur Jónsson á Minna-Núpi.        Sjá hér 

Í Þjórsárskóla vantar kennara í 50% starf vegna veikinda, þarf að geta hafið störf sem allra fyrst. Umsóknarfrestur er til 1. nóvember. 2016. Nánari upplýsingar um starfið  veitir Bolette Høeg Koch í síma 895-9660 

Hér gefur að líta myndband um lífið í Skeiða- og Gnúpverjahreppi  spila hér.   Og nú er það í fullum gæðum. Sjón er sögu ríkari.  Verið velkomin til búsetu hjá okkur.  Í Árnesi eru 12 einbýlishúsalóðir lausar og þrjár parhúsalóðir og þrjár parhúsalóðir eru  lausar á  Brautarholti. Góðir skólar eru í sveitarfélaginu, grunnskóli upp í 7. bekk og gjaldfrjáls leikskóli,  tvær sundlaugar, blómlegt mannlíf og mikil náttúrufegurð.

Bláskógabyggð, Grímsnes-og Grafningshreppi, Hrunamannahreppi, Skeiða-og Gnúpverjahreppi, Flóahreppi og Ásahreppi

Aðalskipulagsmál

Samkvæmt 2. mgr. 30. gr. skipulagslaga nr. 123/2010 er hér kynnt tillaga að eftirfarandi aðalskipulagsbreytingu: 

Kjörfundur í Skeiða- og Gnúpverjahreppi  vegna Alþingiskosninga þann 29. október 2016, fer fram í Þjórsárskóla. Kjörfundur hefst  kl 10.00 og stendur til kl 21.00 Kjósendur eru minntir á að hafa persónuskilríki með mynd meðferðis, til að gera grein fyrir sér þegar þeir greiða  atkvæði.

          __________       ___________     ____________

Fréttabréfið er komið út og það má lesa hér  Stútfullt af fréttum og auglýsingum ásamt uppskriftum og greinum.

Kjörfundur í Skeiða- og Gnúpverjahreppi  vegna Alþingiskosninga þann 29. október 2016, fer fram í Þjórsárskóla. Kjörfundur hefst  kl 10.00 og og stendur til kl 21.00 Kjósendur eru minntir á að hafa persónuskilríki með mynd meðferðis, til að gera grein fyrir sér þegar þeir greiða  atkvæði.

Brúnstjörnóttur, spakur, fullorðinn hestur  í óskilum í Borgarkoti á Skeiðum síðan um réttahelgina eða 17. september. Flóabændur  líti yfir stóð sín þar sem þeir fóru margir ríðandi framhjá þann dag.  Eigandi er beðinn um að sækja hann. Hafið samband við Ann í síma 486-5558 eða 861-7458.

Skrifstofan verður því miður  lokuð fimmtudaginn 22. sept og föstudaginn 23. sept vegna fjármálaráðstefnu sveitarfélaganna í Reykjavík og  starfsmenn skrifstofunnar sækja þá ráðstefnu.

Fyrsta skóflustungan að iðnaðarhúsnæði við Árneshverfi Síðastliðinn föstudagur, 9 september var viðburðaríkur í Skeiða – og Gnúpverjahreppi Þá var tekin fyrsta skóflustungan að nýju húsnæði við Tvísteinabraut við Árneshverfi. Það er Búnaðarfélag Gnúpverja sem stendur fyrir byggingunni. Um er að ræða veglegt og vandað iðnaðarhúsnæði um 500 fermetrar að stærð. Stálgrindarhús á steyptum sökklum, klætt með samlokueiningum. Brunavarnir Árnessýslu hafa þegar gengið frá kaupum á hluta af húsnæðinu undir nýja slökkvistöð. Skeiða – og Gnúpverjahreppur verður með eitt bil undir áhaldahús hreppsins. Þá hafa Björgvin og Petrína í Laxárdal keypt hluta hússins undir kjötvinnslu og Landstólpi ehf keypti talsvert rými í húsinu undir sína starfsemi. Það var formaður Búnaðarfélagsins Arnór Hans Þrándarson bóndi í Þrándarholti sem tók fyrstu skóflustunguna með myndarlegri beltagröfu. Er þar með þetta mikilvæga verkefni hafið. Landstólpi ehf mun sjá um grunn hússins og reisa það en Búnaðarfélagið mun sjá um að fullklára það til afhendingar. Áætlanir hljóða uppá að húsið veðri fullbúið afhent nýjum eigendum eigi síðar en 15.maí 2017. Það heyrir tvímælalaust til gleðitíðinda bygging sem þessi muni rísa. Mikið framfaramál er um að ræða fyrir samfélagið. Sveitarstjóri