Okkur langar að bjóða ykkur að koma í Þjórsárskóla miðvikudaginn 23. maí kl. 15.30 og taka þátt í skapandi starfi með fjölbreyttu skógarefni. Ólafur Oddsson kemur til okkar og sér um kennsluna sem er hugsuð til þess að kynna fyrir íbúum það sem við erum að kenna börnunum. Við munum búa til nytjahluti og skrautmuni.
Fréttabréf maí 2018 er komið út og er í eins stóru broti og hægt er LESA HÉR Stútfullt af fréttum og ýmis konar fróðleik, auglýsingum og öðru sem gott getur verið að hafa í huga. Það kemur væntanlega í póstkassana hjá okkur á fimmtudaginn.
Kjörskrá fyrir Skeiða- og Gnúpverjahrepp vegna sveitarstjórnarkosninga 26. maí 2018
liggur frammi á skrifstofu Sveitarfélagsins í Árnesi
frá og með 16. maí 2018 til kjördags.
Mánudaga -fimmtudaga kl. 9:00-12:00
og 13:00-15:00
og föstudaga frá 9:00-12:00.
Kjörstjórn.
Boðað er til 61. fundar í sveitarstjórn Skeiða-og Gnúpverjahrepps í Árnesi
miðvikudaginn 16. Maí 2018 kl.14 14:00.
Dagskrá:
Mál til umfjöllunar og afgreiðslu :
Fundargerðir
Samningar
Annað
Mál til kynningar :
Landsnet: Föstudaginn 4. maí setti Guðmundur Ingi Ásmundsson, forstjóri Landsnets endurbætt tengivirki fyrirtækisins við Búrfellsvirkjun í gang að viðstöddum hópi gesta. Með því var Landsnet að tengja inn á flutningskerfi Íslands nýja vatnsaflsvirkjun við Búrfell. Landsvirkjun er að ljúka við byggingu hennar. Verður hún gangsett seinnipartinn í júní. Ekki var þörf á að byggja nýtt tengivirki, það sem fyrir var til staðar í Búrfelli dugar til þess brúks en stjórnbúnaður var endurnýjaður engu að síður. Umrætt tengivirki er í raun helsta þungamiðja flutningskerfis raforku í landinu. Rafmagnið sem verður til í virkjunum í Þjórsá, alls um 400 MW, fer þar inn. Þaðan fer það út á fimm háspennulínur. Margir aðilar komu að þessu verkefni sem var að sögn Guðmundar býsna flókið viðfangsefni. Mikið lán var með starfsmönnum verkefnisins og blessunarlega urðu engin slys á fólki. Tíma- og kostnaðaráætlun stóðst. Fyrir gangsetninguna var haldin kynning á verkefninu í félagsheimilinu í Árnesi.
Ný flokkunarhandbók fyrir úrgang í Skeiða- og Gnúpverjahreppi er komin út og má LESA HÉR. Tilgangur þessarar útgáfu er að halda íbúum upplýstum um gang mála varðandi þá flokkun sem er ætlast til að íbúar framkvæmi. Það er ljóst með því að flokka sorpið vel minnkum við rúmmál þess úrgangs sem fer til urðunar auk þess að stuðla að aukinni endurvinnslu t.d. á appír, pappa málmum ofl.
Munið að skila inn efni á sunnudaginn 6. maí í Fréttabréfið á kidda@skeidgnup.is svo að ég geti komið því út sem fyrst. Nú er vorið að koma og látið mig vita ef nýr sveitungi hefur fæðst. Hestamannafréttir eru vel þegnar og alls kyns fréttir og auglýsingar. Meðf. er apríl Fréttabréfið LESA HÉR þar er margt að venju. Kveðja. Khg
Fyrir hönd Landsvirkjunar vil ég upplýsa ykkur um að nú er komið að þeim áfanga í framkvæmdum við stækkun Búrfellsvirkjunar að vatni verður hleypt á nýjan frárennslisskurð. Í framhaldi af því verður stífla sem nú skilur skurðinn frá farvegi Fossár fjarlægð. Sú aðgerð að fjarlægja stífluna mun hafa í för með sér að eitthvert grugg mun berast út í Fossá og síðan í Þjórsá þann skamma tíma sem sá verkþáttur stendur (áætlað 3-5 dagar). Í grófum dráttum mun flæðing frárennslisskurðar ganga fyrir sig með eftirfarandi hætti:
Boðað er til 60. fundar í sveitarstjórn
Skeiða-og Gnúpverjahrepps í Árnesi miðvikudaginn
2. maí 2018 kl. 14:00.
Mál til umfjöllunar og afgreiðslu :
Fundargerðir
Annað
Mál til kynningar :
Kristófer A Tómasson sveitarstjóri
Grunnskólakennara vantar í Þjórsárskóla
Kennslugreinar eru íþróttir í 1-7 bekk 9 kennslustundir ( sund ekki meðtalið)
Stærðfræði, náttúrufræði og samfélagsfræði í 1-2 bekk. 11. Kennslustundir.
Gerð er krafa um grunnskólakennaramenntun og lipurð
í mannlegum samskiptum.
Um er að ræða 75 % staða frá 1 ágúst nk.