Boðað er til fundar í sveitarstjórn Skeiða og Gnúpverjahrepps í Árnesi 10 júní, 2020 klukkan 16:00.
Dagskrá:
1. Ársreikningur 2019 síðari umræða
2. Útboð vikurnámur við Búrfell frestur til 15.06.2020
3. Minjastofnun bréf um skipulag um Stöng Þjórsárdal
Því miður fellur sundnámskeiðið niður í dag, miðvikudaginn 10. júní, sem vera átti í Skeiðalaug.
Nú er komið að því að vera upp í sveit dagana 12. -14. júni í Skeiða og Gnúpuverjahreppi. Bæklingumr með dagskránni og margs konar upplýsingum um hátíðina HÉR Einnig eru í þessum bæklingi upplýsingar um hreinsunarátakið í sveitarfélgainu í þessari viku þ.e. viku 24. nú í júní.
Í nótt, aðfaranótt miðvikudags 10.júní frá kl. 01:00 - ca 02:30/45 kannski skemur, verður ef til vill netlaust hjá viðskiptavinum Símans. Verið er að skipta út búnaði hér í Árnesi og á Brautarholti. En þeir sögðust verða snöggir að þessu. Þá bendum við íbúum í Brautarholti á að viðgerð stendur yfir á heitavatnsdælunni og ekki er vitað hvenær henni lýkur en þangað til verður heitavatnslaust!
Laus eru til umsóknar staða grunnskólakennara í hlutastarf, í íþróttum (ekki sundi).í Þjórsarskóla Kenndar eru 7 kennslustundir á viku í 1.-7. bekk, á miðvikudögum og fimmtudögum. Leitum að metnaðarfullum, sjálfstæðum og áhugasömum starfsmanni með þekkingu á skólastarfi og góð hæfni í mannlegum samskiptum er nauðsynleg. Umsóknarfrestur er til 16.06.2020. Upplýsingar gefur Bolette í síma 895-9660 eða sendið fyrirspurnir á bolette@thjorsarskoli.is
Komnar eru í gagnið tvær nýjar rafhleðslustöðvar við Félgasheimilin Árnes og Brautaholt í Skeiða og Gnúpverjahreppi. Þetta eru tvær 22kw stöðvar sem ætlaðar eru fyrir allar gerðir rafbíla ( m.a. teslur). Fyrst um sinn eru þær gjaldfrjálsar þar sem þetta er liður í aðgerðum stjórnvalda og sveitarfélagsins í loftslagsmálum og uppbyggingu innviða vegna orkuskipta í samgöngum. Íbúar og aðrir gjörið svo vel og nýtið ykkur þetta. Það tekur um 3 klst að fullhlaða bifreiðna á meðf. mynd.
Við leitum að áhugasömum námsmanni 18 ára eða eldri í sumarstarf í Uppsveitum Árnessýslu,
til að vinna að verkefnum tengdum heilsueflandi samfélagi og ferðaþjónustu.
Viðkomandi þarf að hafa áhuga á útivist, vera félagslyndur, sjálfstæður og lipur í samskiptum.
Hafa færni í stafrænni miðlun og notkun samfélagsmiðla, þekking á svæðinu er kostur.
Í starfinu felst skemmtileg verkefnavinna, miðlun og kynning.
Sérstaklega áhugavert fyrir námsmenn í lýðheilsu-, íþrótta- frístunda-, ferðamála-, markaðsfræðum, menningarmiðlun eða öðrum skyldum greinum.
Umhverfis- og tæknisvið Uppsveita bs. leitar eftir áhugasömum námsmanni, 18 ára og eldri, í verkefni við skönnun og skráningu á gögnum fyrir skipulags- og byggingarsvið. Starfið er hluti af atvinnuátaki sveitarfélaganna í samvinnu við Vinnumálastofnun, ætlað námsmönnum sem eru 18 ára og eldri sem eru á milli anna í námi, þ.e. er að koma úr námi og er skráður í nám að hausti.
Nú hefur Skaftholt hætt móttöku á garðaúrgangi og tjágreinum. Nýir staðir eru fundnir fyrir trjágreinar og við ítrekum að þar má eingöngu setja trjágreinar! Annars vegar er það til hliðar við gámasvæðið í Árnesi (við Tvísteinabraut) og hins vegar í landi Húsatófta á Skeiðum nokkru ofar en Hestakráin ( sömu megin vegar) og er vel aðgengilegt af þjóðvegi nr. 30. Opið er á báðum svæðum, allan daginn, alla daga.
Nýir staðir fyrir garðaúrganginn verða á báðum gámasæðunum og getur fólk komið með garðaúrgang, þ.e illgresi og annað, þangað á opnunartímum gámasvæðanna.
Fréttabréf Skeiða- og Gnúpverjahrepps, maí 2020 er komið út LESA HÉR Ýmislegt að frétta. Minnum t.d. á auglýsingu um Vinnuskóla sveitarfélagsins þar sem umsóknarfrestur rennur út þann 15. maí.