Hér eru verklagsreglur vegna smithættu fyrir starfsmenn sem vinna við sorpflokkun - en við erum mjög mörg að handleika og fara með sorp og dýraleifar á gámasvæðin og við ættum að kynna okkur þessar leiðbeiningar og nota þegar það á við.
Boðað er til 37. fundar í sveitarstjórn Skeiða-og Gnúpverjahrepps
í Árnesi 4. mars, 2020 klukkan 16:00.
Dagskrá
Mál til umfjöllunar og afgreiðslu
1. Húsnæðisáætlun 2020- 2024
2. Staðsetning á fjósi í Haga
3. Hólaskógur samningar.
4. Fæla - Stofnun lögbýlis
5. Umsókn um styrk til vatnsveitu
Ertu með frábæra hugmynd? Núna er aðeins vika þar til lokað verður fyrir umsóknir í Uppbyggingarsjóð Suðurlands. Sæktu um fyrir 3. mars, kl. 16:00.
Kynntu þér nýjar áherslur og úthlutunarreglur sjóðsins
www.sass.is/uppbyggingarsjodur
Veðurstofa Íslands hefur nú síðdegis 13. febrúar uppfært viðbúnaðarstig upp á Rautt
Fréttabréfið er komið út og úr ýmsu að moða. LESA HÉR Hálendisböð, friðlýsing, heilsuefling, fréttir úr skólunum og ýmislegt annað sem er á döfinni komið á prent. Blaðið ætti að koma með næstu póstferð í hús. Á fimmtudaginn.
Ungmennaráð UMFÍ stendur nú í ellefta sinn fyrir ungmennaráðstefnunni Ungt fólk og lýðræði. Ráðstefnan fer fram 1. – 3. apríl í Héraðsskólanum á Laugarvatni. Yfirskrift ráðstefnunnar er Lýðræðisleg áhrif. Hvar, hvenær og hvernig hefur ungt fólk áhrif? Ráðstefnan er ætluð ungu fólki á aldrinum 16 - 25 ára. Fjöldi þátttakenda er takmarkaður og komast aðeins 80 þátttakendur að. Fullorðinn einstaklingur þarf að fylgja þátttakendum yngri en 18 ára. Þátttökugjald er 15.000 kr. fyrir hvern þátttakanda. Innifalið í gjaldinu eru ferðir, uppihald og ráðstefnugögn. UMFÍ styrkir 80% af ferðakostnaði. Rúta fer frá þjónustumiðstöð UMFÍ í Reykjavík á miðvikudeginum og til baka á föstudeginum. Skila þarf inn kvittunum til þess að fá styrk fyrir ferðakostnaði.
Í tilefni af áformum um friðlýsingu mennigarlandslags í Þjórsárdal blæs Minjastofnun Íslands til opins kynningarfundar um verkefnið í Árnesi þann 10. febrúar kl. 14:00. Friðlýsinginarskilmála má nálgast á heimasíðu Minjastofnunar www.minjastofnun.is og hér að neðan. Allir eru velkomnir á fundinn.
Skráning er í fullum gangi í Lífshlaupið 2020. Á ekki að vera með í ár, skapa skemmtilega stemningu í sveitafélaginu og koma á keppni milli stofnana og vinnustaða innan sveitafélagsins? Endilega hvetjið alla íbúa til að taka þátt og vera með í landskeppni í hreyfingu J
Lífshlaupið hefst formlega miðvikudaginn 5. febrúar en það er bara í næstu viku þannig dreifið endilega boðskapnum sem víðast. Stöndum saman og hvetjum landsmenn til heyfingar!
36. fundur sveitarstjórnar
Boðað er til fundar í sveitarstjórn Skeiða og Gnúpverjahrepps
í Árnesi 5 febrúar, 2020 klukkan 16:00.
Dagskrá
Friðlýsing hluta Þjórsárdals. Umhverfis- og auðlindaráðherra Guðmundur Ingi Guðbrandsson undirritaði friðlýsingu svæðis í Þjórsárdal kl 16:30 í dag, fimmtudaginn 30. janúar. Verndargildi og sérstaða þess felst fyrst og fremst í jarðfræðilegri sérstöðu, fágætu og fögru landslagi. Svæðið verður nú friðlýst sem landslagsverndarsvæði en innan þessu eru Gjáin, Háifoss, Granni og Hjálparfossi sem friðlýst verða sem sérstök náttúruvætti. Á svæðinu eru mikil tækifæri til náttúruskoðunar, útivistar og sjálfbærrar ferðamennsku en þar eru einnig menningarminjar sem vitna til um mannvistir á fyrri tímum. Svæðið er hið fyrsta sem friðlýst er sem landslagsverndarsvæði samkvæmt lögum um náttúruvernd en unnið hefur verið að friðlýsingunni í rúmt ár.